viernes, 29 de julio de 2011

3ª RESISTENCIA REINO ASTUR 23/07/2011

Nesta ocasión animámonos a correr Ricardo y yo. La verdá ye que non tábamos mui seguros ningún de los dos, Ricardo non había corríu munchu dende la TRAVESERA y yo síguía col tobillu y los tibiales algo hinchaos, pero teníamos ganes que ye lo más importante, ya que sentíu tenemos pocu.

La  3ª RESISTENCIA REINO ASTUR tien sobre los 42,5 Km (al final decíen que salieren 45 Km pol GPS) y un desnivel acumuláu de 5.200 m    
Faise por NEMBRA conceyu d'AYER pasando per:  EL QUEMPU - RUEA - EL COL.LAÍN - LA
GOTERA - LA MARAVIYA - PLANU DE CABANIEL.LES - EL QUÉNDANU -  FELGUERA - PICU PEDRO GARCÍA - COL.LAES DE L’ACÍU - LA VEGUEL.LINA - MAYÉU LA CAVA - MAYÉU BUSIYÁN - TORRE ASTUR - MURALLA ASTUR: L’HOMÓN - PURTIL.LU LA BOYA - CAMPAMENTU ROMANU LA CARISA: PICU LA BOYA - EL RASÓN - LES L.LAMARGUES - ESTACA - LA PUENTE MURIES - ESCRITA - ARNIZO - L.LAGO - BOYES - BUSERÓN - PICU MOROS - GÜERTOMURO - EL CABANÓN - EL QUEMPU.
Perfil

Na prueba hai que destacar dos coses:
-Lo bien organizada que ta, tantu la señalización como'l tratu de la organización y la xente la rodiada, da gustu que te reciban con una sonrisa y un aplausu (aunque piensen que cuántu meyor tábamos faciendo algo de provechu, como dir a la herba jejeje).
-Lo guapu del recorríu, casi tou senderos mui prestosos.

Arrancamos de L'Infiestu a les 6:10 de la mañana (peazu madrugón), yo non pudi desayunar nada, lo únicu que pudi facer fue un vendaxe funcional a la pata pa non la terminar d'estrozar, desayuné unes galletes a la altura Mieres, jejeje. La salida diose a les 7:45 y salimos pel medio sin cebamos que bastante teníamos con sobrevivir jeje, al principiu tirábame un pocu la pata pero a midida que fue calentando quitóse. El primer tramu ye per un senderucu mui prestosu hasta qu'empieza lo que ye la gran subida unos 1200 m + tou p'arriba, nesti terrenu ye onde meyor nos desenvolvemos los dos, entós Ricardo pon un ritmu de desgaste que fainos dir pasando a xente hasta'l Picu la Boya nel que facemos un tiempu de 3:01, onde garramos a Ana Cristina (la médica de Nembra) y facemos la baxada con ella hasta La Escrita (4:00+/-). Dempués entama la última subida unos 500 m + hasta les antenes de L.largo (Km 31.5), onde nos garra Silvia, en teoría ahora ye tou p'abaxu. Esta parte final faise mui dura al ser tou de subi-baxa y les fuerces ya flaqueen, pero ahora ya queda menos y toca sufrir un "pocu". Nel últimu avituallamientu (Km 37.8 m.) un bocáu rápido porque unos que veníen detrás agarráronnos y decidimos poner un ritmu más rápidu pa que non nos pasen nos últimos 5 Km. ¡¡¡Ahora sí que toca sufrir!!!, al subir el ritmu paez que no nos pueden garrar y garramos a ún con un buen paxarazu, otru con mareos y baxada de tensión y a 1 Km a un chaval que ya non podía más, aguantónos 300 m pero na última subida (50 m) quedóse, un claru exemplu de la dureza de la prueba. Al final llegamos los dos mui contentos con un tiempu de 6:31, nel puestu 27 de la xeneral y los 13 senior de 80 que eramos y una buena jodía, pa soltar fui hasta la fiesta Moñes hasta les 5:00 pa celebralo.
Eso sí, tengo unes agujetes (pero son de tolo que bailé en Moñes, que ye malísimu pa la salú)...jejeje...
La salida en Nembra

Salimos en plan tranquilos (los de coloráu y malles paxareres)

Llegando a La Escrita, depués d'unes 4 hores y 28 Km.
La Escrita, ya hai secañu y una buena jodía jejeje
El ganador, Santi, llegando a les antenes de L.largo (Km 31.5), ta pindiu...
 Avituallamientu de les antenes de L.largo (Km 31.5)
 Los tres primeros clasificaos:  Avelino (2u), Santi (1u) y Rubén (3u)
Les tres primeres clasificaes: Silvia (2ª), Eva (1ª) y Ana Cristina (3ª)
 Depués, como buenos asturianos, pa celebralo una buena fartura: fabes, carne con patates y arroz con leche...
Clasificación Xeneral
FIN

martes, 19 de julio de 2011

Eje pedalier HollowTech II

L'otru día púsime a desarmar l'eje pedalier pa llimpialu y engrasalu, porque cuando garraba la bici depués d'un tiempu, al dar p'atrás pa engrasar la cadena taba un pocu engarrotáu. La cosa ye qu'alcordeme de facer fotos pa publicalo cuando ya lu tenía desarmáu, paezme que ye una cosa interesante y vamos facer otra entrada nel foro pa MECÁNICA.

FERRAMIENTES:
Llave d'eje pedalier HollowTech II, nel su defectu un "pico de loro".
Llave Torx (T27)
Llave Allen 5 mm.
Martillu de goma
Grasa
Gasoil y pincel
Tiempu: 30 min.
Pasos:
 Quitamos el tornillu más esterior de la biela (allen de 5 mm.)
Aflojamos el tornillu interior de la biela (allen de 5 mm.)
Llevantamos la pestaña de la biela
Estraemos la tapa de plástico que protexe de porquería l'eje
Sacamos la biela
Aflojamos el rodamientu del eje pedalier izquierdu (L). Ye rosca dereches (normal), pon una flecha con TIGHTENING (apriete)
 Golpe al eje cola maza y sacamos l'eje colos platos y la biela derecha
Sacamos el rodamientu derechu, según indica la flecha con TIGHTENING (apriete), ye rosca izquierdes (al revés de lo normal)
Sacamos el tubu qu'evita qu'entre la porquería de los tubos del cuadru a los rodamientos.
10º Desarmamos los platos (llave Torx 27)
11º Llimpiámoslo tou
12º Engrasámoslo tou
13º El montaxe ye lo mesmo pero a la inversa

Les fotos del montaxe
Tou desarmáu enriba la mesa
Detalle de la pestaña qu'hai que llevantar a la biela (pasu 3º)
Rodamientos, cola flecha qu'indica'l sentíu d'apriete y el tubu qu'evita qu'entre porquería a los mesmos, la verdá ye que taben llimpios pero un non tenía nada de grasa y otru mui pocu
El tubu tien nos estremos unes juntes tóriques que facen la estanqueidá colos rodamientos, ye interesante cambiales si tán gastaes. La parte esterior del tubu tenía muncha arenilla, pero los rodamientos taben llimpios y rodaben bien ensin nenguna holgura.
Interior mui puercu d'una mezcla de barru, arena y grasa
Rodamientos llimpios y engrasos
Platos y eje llimpios, pa sacar el medianu hai que sacar primero'l pequeñu
Colocamos el rodamientu derechu (R) rosca izquierdes (apriete en sentíu antihorariu), metemos el tubu  de estanqueidá, colocamos el rodamientu izquierdu (L), (apriete en sentíu horariu), y introducimos l'eje colos platos engrasáu, pa finalizar damos unos golpes a la biela p'aseguranos qu'entró completamente y apretamos el rodamientu izquierdu (L), (apriete en sentíu horariu).
Acople de la biela nel eje
 Apretar los tornillos allen y listu. La verdá ye que va más suave al pedaleo y no se m'engarrotó más
PD: la bici ta un pocu puerca pero tenía dos opciones: dir a lavala o facer el mantenimientu y apetecíame más mecaniar jejeje. Pa la prósima fago fotos desde'l principiu con cada pasu, pa que quede más descriptiva la operación...

martes, 12 de julio de 2011

Uviéu-Cuadonga GR 105-GR 109 BTT (01/07/2011)


Integrantes: Juan, Jordi e Iván
Distancia: 121 km
Tiempu empleáu: 11h 45' totales
Tiempos de pasu: Uviéu-Cuito (2:40), Les Praeres (4:30), Sellón (6), Espinaréu (6:15, parada a comer 20 min.), Cangues (9, parada 10min.), Cuadonga (11:45). Últimu tramu de Pozabal a Peñalba (2,4Km) (1h)
Tiempu rodáu: 9h 55' rodando
Velocidá media: 12.1 Km/h
Desnivel positivu: 4100 m.
Comida: dos bocadillos (bollu partíu al medio) de jamón, rosquilles de Juan, mix de frutos secos y chocolate
Bebida: 7 botes de 800 ml y 2 botes de Coca-cola

Ya fai tiempu que Furu anda comentando que teníamos que facer el GR 105, y el viernes 1 de julio teníamos libre Jordi, Juan y yo. Tras mandanos unos correos pa pensar qué facer, el criteriu era que fuese pa tol día y guapa. Pues depués de da-y vueltes a ún y otru sitiu, vi nel mapa marcáu'l Gr 105 y acordéme de Furu, a pesar de que nos diba a matar por facelo sin él. Depués d'unos correos con esti par de castrones yá ta decidida la ruta, lo únicu hai qu'intentar modificala pa que sea más cicletable, lo buenu ye que lo peor ye en Piloña que ye territorio COMANCHE jejeje, otru factor a tener en cuenta ye lo mal marcáu que ta, ya qu'al buscar información nun atopamos más que crítiques y xente que se perdió.

Track equí de la ruta con variantes pa facelo en bici

Panorámica
Perfil con tiempos de pasu

Estación del tren de L'Infiestu (7:22)
Estación d'Uviéu (8:30), la xente mirábamos raru...
N'Uviéu atopamos a Jose Luis (pioneru del BTT n'Asturies) y entrugónos "qué si no había monte n'Asturies pa tener que dir a la capital" jejeje
Tres de la sebe dixo daquién  "TAIS COMO BURROS..."

El tramu d'Uviéu ye mui prestosu, paez mentira que tando tan cerca d'Uviéu sea tan rural, lo peor de tou ye lo mal señalizáu que ta, sinón ye por Juan que tenía'l GPS col track perdémonos seguru. Nesti sentíu ye mui triste que se gaste una porricada perres pa dar alternatives al turismu (ruta en asturias.es) na que sale una descripción a grosso modo de les etapes y no se disponga del track pa descargar o d'un llibru de ruta en plan. Vamos, una cosa similar a la que ta na páxina del Ministeriu rural y Marino pal GR 109   

Nel primer folleru metí'l pie hasta'l todiellu, pa empezar el día bien jejeje
Con calor y humedá, tenemos "EL PARAÍSU NATURAL"
Les pistes son mui prestoses al dir tou pel cantu ...
Yá se ven Les Praeres al fondu, primer gran Col del día...
Una pista mui guapa paralela a la vía del tren...
Cuando empezamos a subir a Les Praeres diz Juan " hostia, yá ficimos 1700 m. +"
Les Praeres...
"El hombre que susurraba a los caballos"
Descensu de Les Praeres...
Hasta Puente Miera ficímoslo tou pel GR 105, pero'l tramu de Puente Miera a El Moru pel GR 105 no ye mui cicletable, entós ficímoslo pela carretera.
Subiendo a El Moru
Fuente n'El Moru
Fai un calor...
Subiendo a Sellón con Facéu al fondu
Sellón...
Baxada pa L'Omedal...
Vistes de Vízcares, Treslafuente y Maoñu
Parada n'Espinaréu a comer mediu bocadillo y una coca cola, por gana hubiésemos comíu'l menú nel mesón VÍZCARES, pero la subida a Porciles quitónos la gana jejeje
2º variante: el Gr 105 va a Pendedor, Tebrandi, El Corralín, La Matosa, Fresnidiellu a salir al Gr 109. Nosotros desde Porciles garramos el GR 109 hasta Cangues, que se fai tou en bici.
Baxada a Cardes ...
Comiendo un bocáu anantes de llegar a La Piñera, Jordi dicía que perdía aceite, pero al final echólo a la cadena ...
Llegando a Llames de Parres

Llegando a Cangues, 4 cabritinos....
L'argayu clásicu ...
Cangues con vistes precioses de los Picos ...
En Cangues comimos la otra mitá del bocadillo y una coca cola...
Garramos el GR 105 otra vez y vamos camín de Següencu...
Vistes del Pierzu
Ye pindiu...
Llegando a Següencu, con vistes a Peña Santa...
Següencu...
Recuerdu a los pastores camín de Cuadonga...¿Quién sería la cabeza que decidió poner esos enaninos de jardín enriba, ho?
Colos Picos como fondu...
Esti tramu ye mui guapu y entreteníu sobre tou les vistes...


Pero lo buenu dura pocu y tenemos que baxar a Peñalba...
2.4 Km de porteo mui malos...tardamos 1 hora en facelo...
Lo más triste ye que ya lo conocíamos de facelo unos caminando y otros na MARATÓN DE LOS LAGOS
Hai que trabayar el tren superior...
Esti tramu la verdá ye que se fai pesáu...

Llegando a Peñalba...
Peñalba, depués ye tou pista...
CUADONGA
PELAYO y los escuderos...
¡¡¡GUO!!! TAS POR CEPILLAR
N'El Repelao tomando una clara y un xeláu pa celebralo, depués de 11 hores 45 minutos

Gracies Ana por dir a buscanos.
FIN