Remelende y Picu del Águila. 26/02/2012.

Castrón & Dog Team:

Ana, Laura, Zoe, Iván y Jordi

Tiempu, kms y m+: pasámoslo como dios. Puntu.

Track

(bona zona pa iniciase nel esquí de montaña o pa dir a dar una vueltina)

Picu Llagu

 

Aunque haya quien nun lo crea (cuantes veces tuvi qu'oyir aquello de: "faciendo eses burraes nun podéis disfrutar del monte"), nun solu de castronaes vive'l castrón. El monte siempre ye un mediu maravillosu; pero con nieve, bon tiempu, comida, bona compañía y sin prisa yá ye lo máximu. Arrancamos un domingu a les 9:00 (nun madrugar tamién ye guapu...) dirección Tarna a ver lo que se puede facer sin complicase muchu, vamos a pasar el día y nel grupu van dos primerices: Laura que nunca foqueo fuera pista y Zoe que nunca vió la nieve. Nel trayectu en furgo admítense apuestes: "yo digo que la perra colo revolvín que ye va volvese lloca cola nieve"; "pues yo nun lo tengo tan claru, porque colo friolera que ye, nun sé...". Sabiendo lo que-y gusta escarbar a cualquier perru podéis imaxinar lo que pasó...

Subiendo al Remelende (a la derecha) dende'l Puertu Les Señales. Hai que rodear el piquín del mediu la foto pela izquierda.

¡¡Venga, ho!!, tanta castronada y nun sois a siguime...

Disfrutando del día...

...¡¡a lo grande!!

Llegando al Remelende, precioses les nubes

¿Y pa mí nun hai nada?

Los Mampodres

La fiera

Ambrosio, apetezme un Ferrero Rocher...

L'Abedular en primer planu, Pileñes y Ten (onde fuimos el fin de semana siguiente) en mediu y al fondu Picos

Coriscao, Peña Prieta, Picu Murcia y Espigüete

Mampodres

Llagu

Después de comer daqué, una baxadina, un pocu de llanéu y subida al Picu del Águila a comer de verdá... val más paganos un traxe que mantenenos...

Nel Picu del Águila col Remelende al fondu, Zoe nerviosa: "acabái de comer, fartones, que nun aguanto más equí parada con esi montón de nieve esperando..."

Vaalee!!!, voi portame bien, pero acabái yá!!!!

Ana disfrutando de la bona nieve

Paradina pa contemplar la baxada (corta pero guapa) y poner pieles...

...pa remontar la última cuesta y facer la última baxada hasta la carretera.

Zoe como siempre la primera.

Pues esto ye tou, un día d'esos que facen afición de verdá, cervecina en Tarna, chocolatín y pastelín en El Campu y unes botellines de sidra n'Infiestu pa celebralo, qu'hai que reponer fuerces...

Y si nun lo creéis, equí tenéis un videu (pasóse tol día igual, vaya marcha...)