¡¡¡Canal de Les Arredondes en estáu puru!!!
Castrones: Zoe, Iván y Jordi.
Recorríu: H.itu Escarandi-Canal de Les Vaques-Casetón-Colláu de L’Aldea-El Callejón-La Rasa de La Inagotable-Colláu del Mojón-Canal de Les Arredondes-Colláu del Mojón-Mines de La Providencia-H.ou Oscuru-Picu San Carlos-H.ou Oscuru-Vega d'Andara-Colláu Tresmancondiú-Casetón-Canal de Les Vaques-H.itu
2000m+
Datos
Perfil
Panorámica
Fin de semana antes de marchar pa Pirineos a esquiar unos díes en Semana Santa, vienres que libramos Iván y yo, previsión de tiempu inmeyorable: "bueno, ¿habrá que facer algo?"
Yá ta liada, pa la canal de Les Arredondes que tan buen recuerdu tenemos d'ella del añu pasáu. Esti añu hai bastante menos nieve y tenemos que salir del H.itu colos esquís al llombu durante media hora. Vamos dirección a La Rasa de La Inagotable y a baxar per Les Arredondes hasta onde podamos pa volver a remontar tola canal y después, en función de como vaya el día, yá veremos.
Saliendo del H.itu
Na canal de Les Vaques
Ratoniando nieve entre piedres colos picos Valdomingueru, Soriano y Boru detrás
Iván nel Callejón
La Rasa al fondu a la izquierda después de pasar El Callejón
Última pala
Na Rasa cola Silla del Caballu Cimeru, Morra Lechugales y Pica'l H.ierru en primer planu. Más atrás a la derecha Peña Castil y Moñetes
Zoe posando col Picu San Carlos de fondu
Y empieza la fiesta...
¿Nun ta mui pindiu, ho?
Paeztelo a tí...
Ye verdá, nun ye pa tantu...
¡¡Como presta!!
¡¡¡Buenu, esto llanu llanu nun ye precisamente!!!
¡¡¡Vais matavos, castrones!!!
¡¡¡Nun me lo pierdo!!!
Y después de 700m de baxada con una pendiente fuerte y mantenía y una nieve d'una calidá excepcional, a 1580m ponemos les pieles porque apenes queda nieve y la poca qu'hai ta mui pesada
Hala, majos, a ver quien va más rápidu agora
Llombada al calzar los esquís coles puñeteres fijaciones TLT, por suerte ellí taba Zoe pa socorreme vía llambiotazos na cara ("¿mancástite, fiyu?"), porque l'otru castrón taba mui ocupáu riéndose y sacando fotos...por ciertu, cola mano izquierda paez que toi tocando'l tambor ¿...?, deformación profesional...
Foqueando na inmensidá de Les Arredondes
Llegando al Colláu del Mojón depués de bregar lo que nun ta escritu a cuenta la nieve primavera, p'abaxu mui guapa, pero pa subir, patinazos un detrás d'otru, les pieles a puntu de despegase, 500 vueltes María...
Pero llegamos arriba, comemos algo y ¡a disfrutar otra vez!
El Samelar al fondu
Baxando d'El Callejón
Castillu del Grajal (a la izquierda) y El Callejón
Llegamos a les mines de La Providencia y vemos al Picu San Carlos provocándonos, va 6 díes que tuvimos allá y ¡¡¡vamos repetir!!!, que la canaluca esa colo bien que ta la nieve güei tien que dar gustu baxala
Llegando al San Carlos col Mancondiú a la derecha
Zoe nel picu
Y otra vez p'abaxu
¡¡¡La nieve ta de cine!!!
Guapa de verdá la canalina!!!
Patinando pela Vega d'Andara
Mancondiú
La Junciana y La Rasa
Zoe lloca de contenta nel Colláu Tresmancondiú col Cuetu de La Ramazosa en primer planu y el Picu Boru al fondu
Y de vuelta na canal de Les Vaques, a quitar esquís, que yá tuvo bien
Que risa Jordi, quedote muy guapa
ResponderEliminar