Al mal tiempu bona cara.
De derecha a izquierda: Iván, Furu, yo y Juan na rimaya del Maladeta, riéndonos por nun llorar...
Datos
Perfil
Como nun hai dos sin tres, entamamos nel aparcamientu del Hospital de Benasque'l tercer día consecutivu d'esquí sin ver la mano delante. El plan ye subir al Maladeta y a la vuelta quedanos a dormir nel refuxu de La Renclusa p'aprovechar el día de bon tiempu (¡¡¡por fin!!!) previstu pa mañana pa facer l'Aneto.
Esquís al llombu pela carretera durante unos 600 m. hasta llegar al comienzu de la pista d'esquí de fondu
Y con más filosofía qu'otra cosa empezamos a foquear pela pista de La Besurta
La verdá ye que'l paisaxe ye bien guapu, ¡hasta con mal tiempu!
Después d'un par de kilómetros pela pista, abandonámosla pa subir al refuxu más hacia la derecha, sin dar tanta vuelta. Eso sí, el día paez que ta abriendo...
Cuando nun dábamos un duru por ni siquiera intentar pasar del refuxu, llegamos a La Renclusa y...
¡¡¡TACHÁN!!!
¡¡¡Sacái la crema, que vamos turrar tovía!!!
El Paderna, onde tuvimos ayer
Iván emocionáu visualizando la xugada: "esto ye lo meyor d'esti picu, solo hai que subir toa esa pandona hasta casa dios y después baxala, bien pindiu y sin llanear ni un metro"
Pues hala, p'arriba...
...que pindiu ta bastante
¡¡¡Vaya vista!!!
¡Ah!, que paez que quier abrir...
Otra vez el Paderna
Menos mal que lo que nun falta nunca ye bon humor...
¡¡¡Coño, que nun somos los únicos chiflaos qu'andamos güei per equí!!!
La verdá ye que tuvimos suerte de tener la traza fecha, aunque los que la diben abriendo yeren de la escuela castrona d'Iván y Juan, la inclinación la máxima posible apurando a tope l'agarre de les pieles...tou sea por aforrar vueltes maría...
Llegamos a la rimaya, a unos 3200 m d'altura, y esti ye l'aspectu de la canaluca qu'hai que subir pa llegar al picu, quédennos unos 100 m. de desnivel, pero hai casi 1 m. de nieve reciente, polo que la canal ta mui peligrosa y lo más fácil ye que al intentar subir arranque tou con nosotros. Vistu'l día que tenemos, que vamos ver lo mesmu 100 m. más arriba qu'equí y que de momentu tovía mediu se ve pa poder baxar...
...ponemos ropa, quitamos pieles, foto y pal refuxu, que tovía llegamos pa la hora comer y mañana sedrá otru día...
Visibilidá excelente...
...tirando a excelentísima...
Aunque la visibilidá ye la que ye y la nieve ta mui pesada (cada vez más a medida que vamos perdiendo altura) vamos disfrutando de la baxada lo que nos dexen los cuádriceps, parando a cada pocu pa que refrixeren...
Llegando al refuxu, onde la esquina inferior derecha de la foto nun tramu en llanu, espétaseme la espátula d'un esquí na nieve, caída de lo más tontu p'alante y la fixación decide nun saltar. Esguince del lligamentu llateral internu de la rodilla derecha (y tuve suerte porque los médicos pensaben qu'igual tenía tamién tocáu'l meniscu, por suerte quedó "solo" n'esguince de grau I) y de mano un mes sin poder correr. Nunca sabes ónde la puedes armar...
Burrómetro a la puerta del refuxu
Esto yá ye más seriu, aunque tovía habrá quien siga diciendo que lo del cambiu climáticu ye un inventu-conspiración de cuatro ecoloxistes que bien pocu tienen que facer...
Entamando cola "rehabilitación" nel refuxu
No hay comentarios:
Publicar un comentario