V INTEGRAL DEL VALDECEBOLLAS

 
   El 29 de mayo celebróse la V Integral del Valdecebollas, que fue la primera prueba del Campeonato Castilla y León de Carreras por Montaña 2012.

          

    La cosa fue así:

• Distancia: 42 km
• Ascensión acumulada: 2.194 m
• Descenso acumulado: 2.148 m
• Altitud mínima: 1.039 m
• Altitud máxima: 2.139 m
• Desnivel acumulado: 4.300 m

  No, no, no voy a correr la copa de león, vine por lo mismu que el añu pasáu... coger fondu pa la TRAVESERA A PICOS. La verdad que no me apetecía un p... por lo mal que lo pasé el añu pasáu, y además tenía el Pienzu en casa pa dir con los castrones, castronucos y demás familia, pero creo que esta maratón vien al pelo por desnivel y fecha que tienes de margen hasta la travesera, el pienzu ye muy guapa y está al pie, pero más que ayudar...

  La carrera ye igual que el añu pasáu, menos la salida que en vez de pasar por les mines, sales "a pinchu" monte arriba.


PERFIL 2011



 



PERFIL 2012 (TIPO DE ARRANCADA... MARICÓN EL ÚLTIMU)



EL  NUEVU RECORRÍU

  
Esti añu sí facía fríu, pero a pesar d'ello no acababa de despertar y decidime si gore-tex sí o no...

 
  Como siempre fue conmigo Carmen, que en estes comedies pásalo como los indios y a mí valme un güevu porque aparte de mimame a tope... apaez onde menos te la esperes con comida, bebida, playeros y tou lo que puede acarretar la probe.
  Después de tomar un café ferviendo y de arma-y al raposu (o como decía "gorrona"... dir a la oficina), apaezco na salida a les 07:50 con esta cara.

Menuda motivación...



Algún con gana salir pa quitar el fríu.



Salida y tou p'arriba a volver a meta





Pasu por meta después del calentón de gemelos y a empezar otra vez!!



Control 1º en el km 5 con 41'24"



Nos vemos en el picu dentro de 15km!

  De aquí hay varios kilómetros que vas por bosques muy guapos y que inviten a correr y en vista que no me dolía nada, peguéme a unos chavales pa que me llevasen hasta lo más pendiente. Después del km 8, la cosa ponse pindia y ye de caminar con lo que voy a gustu y a nada que aprieto veo que el grupu va quedándose, con lo que me alegro por no ir como el añu pasáu de les rodilles y por ver que estoy cogiendo el ritmu traveseru que busco. Apartir del kilómetro 18, la única molestia que siento ye en la rodilla "buena" y subiendo!!, lo que me faltaba!!, si siempre fue la otra y bajando!!, pero bajé un pocu el ritmu y no me dió más problemas. 

Foto en picu, apesar del sol el aire ye fríu y a alguna no-y sobró el plumas pa subir. 



Valdecebollas 2.139m, 2h54'05", salú!



Salida del picu y arrancada de la arista de 6 km na menos...


  La bajada tien mucha vista  en toes direcciones, pero tien cachos muy técnicos de muchu caos de bloques que te puedes escalabrar a la mínima. Apartir de km 26 bájase a pinchu por un escoberu, onde bajé casi caminando, pa llegar a la collada, control 5º.


Esta bajada estaba llena de cagaes de llobu... lo que unu ve por ir despaciu.



La collá km 28, 3h53'55" y la fame que aprieta!!, pero el escape fríu... no como el añu pasáu...

Asi bajaba el añu pasáu...Sin comentarios eh !!!!


  La bajada a Salcedillo ye por unos praos no muy pindios, o sea que después de la anterior, ye un descansu.

Revolviendo el gallineru en Salcedillo, km 30... ¿por qué se acordarán de mí después de un añu?

 

Refrescándome pa coger la penúltima subida dura.

  Después de Salcedillo, ya te metes en un fayadal preciosu y sombríu, que tien como 2,5km de subida, y que a pesar de que esti añu no me sentía floju en ningún momentu, aquí fue el únicu sitiu onde pitó la reserva y encontréme un pocu regular, menos mal que había alguna riega pa meter los calzoncillos... digo la braga y ponela na cabeza. 
  Después del km 33, hasta el 36, ye por una riega mala que esti añu era tou un barrizal, y que a pesar de que el añu pasáu se me fizo eternu, esti añu prestóme dir dando caza a algún de los que anden esquivando los charcos... ye lo que tien dir con gore-tex manín!

  Al control 7º, en el km 36, llego en 5h11'33", y queda la última subida y la más dura de la carrera. Después de comer y beber algo cruzo el ríu pa refrescar los pies y la cabeza y subo el primer tramu sin esfuerzu aparente, cuando el añu pasáu no veía la manera de salir de allí, en el altu gira el cortafueos y aprovecho pa mirar a los de atrás y veo que cada vez-yos saco más distancia, con lo que relájome y prendo los cacharros de la música con la grata sorpresa de que arranca con AC/DC y sigue con los DIRE, BRUCE, ... disfrutando como poques veces en una carrera llegué al cantu y al mirar el reloj veo que no son menos 10 tovía, hostia!, a ver si bajo de les 6 hores?, descolguéme a tope pasando por el km 40 y al charlar con los del control, sorpréndense de que-yos diga que voy muy bien, "joder chaval eres el únicu que lo dijo" me dicen, y después de tomar un pocu de agua que me ofrecen salgo como un tiru p'abajo intentando no llevar ningún roblucu por delante, cosa que no ye fácil con la pendiente de barru que hay, a pesar del "sprint" final por 42" no bajo de les 6h, pero marché muy contentu por acabar enteru, sobráu y sobre tou disfrutando la carrera.

Otra carrera... que esta fundió!

La jornada acabó con una fartura campestre  de paella preparada por la Peña San Pedro de Barruelo, que por ciertu estaba buenísima, y pa acabar un cafetón con llechi pantera como decía el amigu "gorrona", allá por Traslafuente na década de los ochenta...

 
    Pa  redondear la escapada, quedamos a dormir en el camping de San Vicente de la Barquera. Nunca habíamos estáu allí, pero llevamos una grata sorpresa porque teníamos una parcela mirando pal pueblu, la ría y los tres macizos de los Picos de Europa. Si no hubiese corríu esta maratón y hubiese acabáu de esta manera, al ver los picos seguru que me hubiesen tembláu les canilles pensando lo que me espera dentro de un mes, pero esi domingu viendo los picos nevaos y al sol, entróme una tranquilidá y una satisfacción de habelos cruzáu una vez con los castrones y otra con Carmen que me da fuerces pa intentar "mi" 4ª Travesera consecutiva. Espero que esti añu la acabemos los tres castrones, y en especial Furu...que ahora que no me oye ...el cabrón merezlo.
 
  

Esta foto ye pa no escuchavos que llegué sobráu.

   Ganó la prueba Óscar Pérez López, del equipo La Escalerilla, con un tiempo de 4:03:47, seguido de Pablo Manuel Villa González (4:07:43), también de La Escalerilla, y Rubén González Rodrigo (4:17:36), del Llagar de Juan – Peña Santa.
  En muyeres, el podio fue pa Yolanda Ruiz Pino, del  Grupo de Montaña Orza, que fizo un crono de 5:38:02, con lo cual anda la de dios, y muy lejos de les perseguidores, que taben toes en casa, una pena pa una carrera tan guapa.       (Esto ye una indirecta pa alguna piloñesa de San Vicente)...noooooooo de la Barquera noooo, de Llozana!!

 

.SALÚ !!! 

Próxima parada................................... El Repelao.