lunes, 27 de agosto de 2012

Tarna - Infiestu (Camín Real, a lo castrón)

50,1 Km
2350 m+
3689 m-
9h53'
Track




Después de mucho tiempo decidiendo cuando hacer la travesía Tarna-Infiestu, llegó el día. La idea inicial era ir por los pasos de nuestros antepasado, por el Camín Real, pero estos como estaban como burros tuvimos que llegar nosotros pa enderechar el camino y así hacerlo más corto.
La cosa salió bastante bien, pero se puede decir que se estudió con dedicación para cuando llegase el día no hubiera problema ahí por donde fuéramos a pasar.
Como siempre, no pudimos engañar a ninguna otra persona que no fuéramos nosotros, Jordi, Iván y el presente, al únicu que engañamos fue a Rubén que fue el que nos llevó a Tarna, a buen seguro que nos va a salir caro el viaje.
La salida la hicimos ya entrada las seis y media de la mañana con una temperatura de película, para empezar bien la velada. Pues sin más a zapatear....









Tomamos dirección el Abedular, para ir viendo un amanecer espectacular que sería un atragantón bueno para empezar.









                                            Al fondo el Recuencu y Colláu Zorru.









                                         Ten y Pileñes, con telón de fondo los Picos.

















Una vez pasado el Abedular deberíamos coger dirección Maciédome al que dejaríamos en todo momento a mano izquierda, pero sí pasando antes por el collado el Cordal y por las inmediaciones de Vega de Arriba cuyo paso sería el más complejo en tema de orientación del día, para así salir al valle de Ambenes.













Pues una vez en el valle de Ambenes, remontaríamos a la colladina del Valle ( al fondo) para dejarnos caer  a la mayada del Maciédome.









                                                        Tiatordos al fondo.








La verdad es que dichosa collada de lejos no parecía tanto pero según te vas acercando te das cuenta que es un pedazo de bocadillo.......














Iván, sufriendo con los primeros rayos del sol del día y quejándose de la jodía que iría a pillar .










                             ¡Cómo les gusta posar a estos dos merluzos !

Al fondo, parte de lo que nos quedaría por recorrer, con el cordal de Pandellanza en primer plano y al fondo la collada del Campigüeños por la que pasaríamos horas después.







                                           Una vez dejado atrás el valle de Ambenes.







Hora de zapatear un poco curioso, ya que correr por Pandellanza es todo un lujo y encima de los prestosos.










             Mayada del Tiatordos, el Gaiteru y el Iván, no dan tregua y a correr como posesos.






















Una vez en la collada del Campigüeños, a la cual nos costó un poco de trabajo llegar por cambiar un poco el trazado sobre la marcha, por lo que comimos alguna escoba que otra, fuimos a dar al collado Cardiel, que sería el ecuador de la jornada, desde el cual ya estaríamos divisando el Peñón de les Travieses, Peña Crespa y el bosque de Purupintu, que sin duda alguna es uno de los mejores rincones de los que tenemos en nuestra región.















 



Iríamos pasando por la braña del Cobayón, si se puede llamar así, para dar con la Pasada del Gatu para así dejarnos caer a La Felguera donde comeríamos algo para reponer fuerzas y acometer el Peñón de les Travieses.















                                                        La Llambria al fondo subiendo al Peñón.














Ya pasado el Peñón, iríamos dirección el Llagu Ovia, que desde ahí se empezarían a ver los dos últimos colosos del día, los Negros y el Facéu.






 
 






Los Negros, cresta aparentemente infranqueable pero con los conocimientos del Gaiteru del lugar, la pasamos sin ningún problema salvo una ligera trepada en la que simplemente no deberíamos caer.














Y como no llevábamos bastante encima, había que subir al Facéu pa homologar la travesía según el putu Gaiteru. Pero al final no se quién será más fatu, si él o nosotros por hacerle caso.















    La campera de Sellón, con el fondo del Ñiañu y a tan sólo una hora larga de llegar a Infiestu.

















Y pa rematar la homologación dichosa del Gaiteru, nos hizo dar un tour por Lozana y Santianes acabando en tanatorio pa si nos apetecía morir del bocadillo que nos acabábamos de meter no ocasionar gasto a la familia. Pero eso sí, antes de morir hay que celebralo con unes cañes.





Datos 

   




Perfil



Panorámica













"FIN"

jueves, 23 de agosto de 2012

Vuelta castrona a Piloña en BTT "La Piloñesa 2012". 07/08/2012.

Versión 2.0 (correxida y aumentada... pa variar...)
137,18 Km
5900 m+
13h33'44''


Infiestu-Montecoya-Xerra Ques-Collada de Maza-Cuerries-Incosa-Biforcos-Tayones-La Comba-Puente Miera-La Marea-El Moru-Sellón-L'Omedal-Espinaréu-Porciles-La Tayada-Ríu de Valle-La Collada-El Tombu-Torín-Valgoín-El Pindal-Villamayor-Moñes-Pesquerín-El Corralín-La Matosa-La Canal-El Texedal-Moandi-Fontecha-El Picu-La Frecha-L'Arbolín-Caldevilla-Villar-Puente Sotu-Cúa-Sorribes-Cutre-Vallina l'Osu-Sieres-Espineres-La Llama-Fuentes-pel cantu a Robléu-Anayo-La Formiga-Brecín-L'Oscuredal-campu tiro-cantera, llanu atrás y antenes de Cayón-El Pedregal-Biedes-Infiestu



El 18 de xunu de 2011 ficimos una castronada en bici que consistió en garrar el mayor númeru posible de puertos de categoría especial del MTB piloñu y empatalos nuna sola xornada (hai que dicir qu'esto planeóse na cena después de facer el tramu del GR 109 de Panes a Infiestu del tirón, y qu'en dicha cena había na mesa de tou menos agua y verdura jejeje, asina que como buenos asturianos, de fartura y col cerebru con escasu riegu a causa de la h.odía, a ver quién la diz más gorda, el problema ye qu'una vez que se da la palabra hai que cumplila...).
Equí tenéis la crónica de Jorge'l de Valles, equí la d'Iván y equí la noticia que publicó La Nueva España (mira que poneme Moltá...). Salió un peazu rutón de los d'agarrase, aunque por problemas mecánicos perdimos bastante tiempu y nun ficimos tolo que teníemos pensáu (¡¡menos mal!!) porque nun daba tiempu acabalo ensin oscurecenos.

Foto de familia n'Espinaréu de los castrones de la partida d'aquel gloriosu día:
Jorge'l de Valles, yo, Iván y Furu

Esi veranu tengo constancia de que lo repitió Miguel el del Alpaca, aunque él pa rematar la ruta subió a Cayón y nun tengo noticia de que lo hubiese fechu más xente (polo menos del tirón). Asina qu'esti añu tocaba intentar facelo de nuevu. En xunu, preparando la Travesera, garré la bici pa intentar repetilo, empezó a llover a l'altura Espinaréu y en Villamayor (a onde llegué en 5h24', mui bien pero caláu hasta l'alma) sabiamante decidí dexalo pa otru día...

Esi día ye'l 7 d'agostu, martes, día raru pa facer una d'estes pero que si dir a tocar de fin de semana, que si más castronaes pendientes que s'empiecen a amontonar, que si empiecen a menguar los díes, que si entra una ola de calor pa mediaos de semana y puedo morrir achicharráu nel intentu... nun se fale más, preparo'l día antes una buena maconada de comida y el martes a eso de les 7 y pocu de la mañana arranco.

Salí bien tempranín porque amás de repetir la vuelta del añu pasáu, quería meter dalguna cosina más:
- Na collada Cuerries, en vez de baxar pa Biforcos de frente, subir primero a Incosa pa facer completa una de les subides más mítiques de Piloña.
- En La Matosa, en vez de tirar pa Sevares, subir hasta Moandi y Fontecha y baxar per tol cantu hasta'l puente Sotu. 
- Subir a Espineres (otra subida mítica, y más per Sieres, l'añu pasáu onde El Frade tiramos yá pa La Llama).
- Subir a Cayón, que l'añu pasáu nun dio tiempu porque oscurecía.

Onde la salida de la variante Infiestu un coche méteme unos buenos pitíos, ye Furu que va a trabayar y yá lu veo meneando la cabeza, imaxínomelu diciendo "cagonlamadrequeluparió, ¿qué castronada traerá esti animal entre manos?". Voi pela carretera xeneral hasta Montecoya y garro la pista, Xerra Ques, Collada Maza y baxada trialera y disfrutona pela caneya que va dar a Cuerries. Subida hormigonada hasta la Collada Cuerries y pela pista pendiente y suelta hasta Incosa, bon recalentón de pates. Vuelta a baxar a la Collada Cuerries y otra baxada entretenía hasta Biforcos, enfoco la terrible subida a Tayones y la técnica baxada a La Comba, el camín cada vez ta peor, una trinchera llena de morrillos gordos y cada vez más cotolles que dificulten el descensu, colo que tengo qu'apoyar dalgún pie. En La Comba casi tengo un encontronazu con una vaca a la salida d'una curva rápida (menos mal que-y dio por saltar al prau de la parte abaxu...) y en un momentu llego a Puente Miera. Tiro pela carretera hasta La Marea, subo a El Moru y garro la pista a Sellón, peazu subida y peazu baxada a continuación, primero una caneya empedrada y embarrada mui difícil de baxar hasta L'Omedal y después una baxada rapidísima per asfaltu hasta Espinaréu.

Otra subida de meter mieu, la carretera a Porciles, y después la pista que sigue p'arriba, con un par de rampes de lo más pendiente que pueda unu imaxinase. Mediu llanéu pa llegar a La Tayada de Cardes y otra baxada disfrutona y técnica con barru hasta'l Ríu de Valle. La subida a La Collada, sin comentarios, rampes d'hormigón  casi verticales y una vez na Collada, el caminín que sube a El Tombu empieza con un muru mui pendiente pela campera y acaba con un pasu trialeru entre piedres de subida qu'esixe sacar el máximu d'unu tantu física como técnicamente, pero hai un tramín d'unos 3/4m demasiáu rotu nel que nun me queda más remediu que posame. Sobra dicir que'l llegar arriba y andar en bici tola llomba d'esti monte ye una esperiencia única, presta rodar pel prau y dir contemplando las grandísimes vistes que tien esti modestu pero perguapu monte. Toca concentrase de nuevu, la baxada monte a través pel cotollal pa dir a salir a Sabornín nun ye apta pa cardiacos, la inclinación ye brutal y vas continuamente a puntu de apilancar p'alante, dalgún tramu tengo que baxalu cola bici de ramal, val más llegar abaxu con tolos dientes en sitiu...

Garro la pista que baxa a Llanuderos y d'ehí pela carretera a Cañún y a Valgoín, onde garro'l caminucu que sal a El Pindal, pista a Carúa y carretera pa subir de Villamayor a Moñes y Pesquerín. Pista a El Corralín, con unes rampes esaxeraísimes pa llegar a La Muezca, y llegando a El Corralín, a mano izquierda otra baxada cotollera bastante técnica pa garrar la pista que baxa al Ríu Color y a La Matosa. Pela carretera tiro a La Canal y el Texedal y baxo a garrar la carretera a Moandi. Subidina d'unos 4/5 Kms a la sombra per esta carretera tan guapa y solitaria a les tres de la tarde y en llegando a Moandi garro la pista a mano izquierda a Fontecha. 

Baxada rapidísima pela pista hasta El Picu y después pela carretera: La Frecha y desvíome más abaxu a la derecha pa dir hasta El Arbolín pa, al empezar a baxar hacia Llames, garrar un caminucu mui guapu a mano izquierda que me saca otra vez a la carretera que baxa a Caldevilla, Villar y caminucu al puente de Sotu. 

Subo pela carretera a Cúa, Sorribes, Cutre y garro la pista que sube per La Trapa a la Vallina l'Osu. Baxo dirección Muñío y desvíome a la derecha per un caminucu guapísimu pero mui técnicu que va dar a Sieres, ta bastante tomáu de maleza pero menos una subida al principiu que nun queda más remediu que facela de ramal, más o menos pásase (a estes altures yá nun vamos andar con remilgos...). 

Llego a Sieres y ¡¡BUFF!!, subida a La Cruz, La Raíz y ¡¡¡ESPINERES!!!, ta metiéndose'l borrín (pa variar en Sueve pela tarde...) y paez que refresca algo, cosa d'agradecer. Onde la fuente Espineres paro a garrar agua y pegame un homenaxe vía bocata, voi meyor de lo que pensaba que diba dir a estes altures, aunque voi cansaúcu y duélenme les almohadilles de los deos gordos de los pies, pero sé que nun par d'hores yá ta l'asuntu liquidáu. 

Bien fartucu baxo a tou trapu pela pista hasta La Llama, carretera a Fuentes y pa la derecha pela pista que sube a la llomba que baxa a Robléu, caneya a Anayo, pistuca a La Venta, Pidrabeya, La Formiga y El Brecín (esti tramu ye común col Ultra Trail Castrón que ficimos n'ochobre del añu pasáu). L'añu pasáu, cuando lo ficimos en bici, de La Formiga fuimos directos a la carretera Incós, pero'l tramu de caneya que baxa de La Formiga a El Brecín ye mui guapu de baxar, aunque des un pocu de vuelta y después tengas que facer un pocu más de carretera. Una vez en Pintueles tiro pela carretera dirección a Incós pa dexala en cuantu xira a la derecha y garrar el caminucu a L'Oscuredal, salgo a la carretra Pintueles otra vez y baxo per ella hasta'l campu tiro, última subida, Cayón, pero voi tener que dar dalguna vueltuca porque nel zigzag de la cantera d'El Calzáu encontré'l día antes trabayando a los que tán sacando madera y nun ye plan de pasar pel mediu les máquines. Onde la cantera d'atrás dexo la pista asfaltada pa garrar la que sube al cruce de la campera, pero antes desvíome a la derecha pa dir pel llanu d'atrás hasta'l final, xiro pa la izquierda pa subir pel cantu a les antenes (mítica la rampa pendientísima y suelta pa llegar al vértice xeodésicu, otra vez a sacar lo pocu que queda yá de físicu y de técnica cola rueda esgargachando al límite...) y agora sí, p'abaxu y yá nun toca subir más. Campera, pista de Pascual, desvíu a la derecha pa baxar pel camín d'El Pedregal y llego a la fuente de Biedes onde voi pegar un manguerazu a la bici, que yá lu va mereciendo la probe. Fago unos 15/20' de cola (tán llenando garrafes pa dar de beber al ganáu) qu'aprovecho p'acabar la comida que me queda, manguerazu y pa casina.

Al final salió una media d'unos 11 Km/h en movimientu (como l'añu pasáu), pero unos 33 Km y 1000 m+ más.

Tovía queda dalguna cosa pendiente más, como subir a Les Praeres o a Ogavia, pero ye que nun tienen salida lóxica pa la bici pa empatalo colo demás (d'Ogavia a Moandi cola bici a llombu... como que non, val más volver a baxar a La Matosa y subir a Moandi pela carretera, y de Les Praeres a Tayones... sin comentarios...), sedría subir por subir y volver a baxar pel mesmu sitiu pa continuar ruta (como lo que fice al principiu subiendo a Incosa, pero buenu, eso ye más cortín y nun pierdes muchu tiempu). Asina que pal que-y quede la ruta corta yá tien un par d'opciones p'allargala...

Ehí vos queda'l track, esta vez grabáu col gps de verdá, y si vos sirve pa conocer dalgún rincón o camín de Piloña desconocíu pa vosotros o pa garrar un bon dolor de culo pedaleando, doime por satisfechu. La ruta ye mui esixente tantu física como técnicamente pal machaca que quiera facela del tirón. Pero nel apartáu técnicu, con posase onde les dificultaes sobrepasen el nuesu nivel, asuntu solucionáu. Y nel apartáu físicu, con tirase abaxu onde temos cansaos y volver a retomalo otru día...

¡¡¡Que vos preste!!!



Datos


Perfil (menudu serruchu...)



PD: siento nun poder poner ninguna foto, pero'l día nun yera precisamente de los de dir cola cámara...





lunes, 20 de agosto de 2012

Infiestu-Pienzu-Infiestu 23/07/2012

Integrantes: Furu e Iván
Distancia: 70 Km
Desnivel positivu:1200 m.
Tiempu: 5 hores (caminando-corriendo 1:30, 50 min. subida y 40 min. baxada)
Track (ta fechu na baxada, col móvil y antes de llegar a Viyao terminóse la batería y hasta Infiestu ta trazáu a mano)
Panorámica

Yá va tiempu que Furu tien gana subir a Pienzu dende Infiestu, pero nunca se-y logra y esta vez polos pelos...
Quedamos a les 15:30 pa salir, entre unu y otru salimos a les 16:00. Como fai un calor terrible decidimos dir per Pintueles hasta La Llama, que tien más sombra, pa garrar la pista que sube a Espineres...

Tábamos subiendo a buen ritmo y yo encontrábame a gustu, pero nos últimos 2 Km empecé a encontrame mal, a dame escalofríos, que con aquel calor que facía nun era mui normal, y tener gana de vomitar. Terminé la subida metiéndolo tou y tirándome a la sombra detrás d'una espinera.
- "Pa mí qu'otru día que te quedes sin subir a Pienzu, Furu".
- "A ver si recuperes un pocu y tiramos p'abaxu, que yá vendremos otru día". 

Llegamos hasta la mayada d'Espineres y siguimos per unes rodaes en dirección este, hasta casi llegar al cantu de La Parea del Agua.

Dempués garramos dirección norte, dexando'l Picu la Múa a la derecha, buscando la campera...

Una vez tamos paralelos al Picu la Múa siguimos en llanu buscando la campera...

Cuando termina la campera y empiecen los jous, tamos en Los Cabilones, pocu antes d'El Potril. Hai que dexar les bicis (970 m) y el restu facelo corriendo o como puedas... Bueno, ún que conozco yo, que fizo un llibru de la Cordillera en bici, igual lo fai montáu jejejeje

El Sueve ye un sitiu perguapu, tantu poles vistes, el propiu paisaxe calcareu y la inmensidá de flora y fauna (asturcones y gamos son algunos de los más representativos), pero mui compleju d'andar per él aunque faga buen tiempu. Nesti casu nun hai problema al dir con Furu que nun tien falta GPS, porque lu tien memorizáu, ¡¡VAYA TÍO!!...

Yá vimos una porricada d'asturcones pero gamos de cerca non. En pasando El Potril apaeznos la primer manada de fembres cerca...

Ye un sitiu mui prestosu pa correr...

Casi nel Picu les Cuerres, atopamos a les utres, que faen un ruíu tremendu al echar a volar...

Yá se ven los Picos...

Y el mar.
 El Sueve ye'l más claru exemplu de la dualidá d'Asturies, mar y montaña ...

Yo col Picu Mirueñu al fondu, ye otra variante...

Yá se ve la Cruz...

Llegando al Pienzu con Llastres al fondu...

Los Picos, paez mentira la nieve que se quitó, col paquete que teníen...

-"Coño, Furu, al final subisti dende Infiestu... nun lo teníes mui claru n'Espineres,eh... jejeje".

-"Cómo pa tenelo claru, pensé que morríes tiráu nuna espinera...".

Pasélo bastante mal n'Espineres, porque yera'l cumpleaños de mi madre y cebóme como un gochu, y casi muerro entre la fartura y el calor, pero mereció la pena...


Vuelta pel mesmu sitiu...

-"¿¡Qué!?, ¿tas perdíu?.
-"¡¡Calla faltosu!! qu'hai un rebañu de machos ahí ...".

-"Coño pues sí, nun se pierde ni pa dios...".



 Llegando a les bicis...


FIN