Integrantes: Furu e Iván
Km: 55,34
Desnivel positivu: 2.078 m
Tiempu: 7:30
Track equi.
Panorámica
Nesta etapa partimos solos Furu y yo, al dexanos Pablo, Juan y Jordi'l día antes nel Puertu de Panderruedas.
Dempués d'un desayunu perbuenu en Casa Begoña, arrancamos a facer la etapa más light de les que nos queden.
Salimos de Posada Valdeón, con ¡¡¡buen tiempu al fin!!!, no se quien ye'l gafe de los dos...o serémoslo los dos...
La cuestión ye que presta salir con buen tiempu y con previsiones de que se mantenga, entre'l tiempu y les vistes, non hai más que mirar la cara...
El comienzu de la ruta ye tou carretera p'arriba hasta'l Puertu de Pandetrave...
L'ascensión ye muy cómoda con pocu tráfico y unes vistes impresionantes, con El Friero y La Bermeja entre otros...
Nel Puertu de Pandetrave, garramos la pista que sal a la izquierda, pa dir a la H.orcada de Valcavao...
A mí esti tramu ye unu de los que más gusten de tolos sitios que fici en bici
Posada Valdeón al fondu, son casi 900m. de desnivel...
H.orcada de Valcavao, con vistes al valle de Camaleño..
A ver si p'abaxu non hai borrín...
Descensu prestosu y llargu, cola canal de Pedabejo, entre la Torre de Salinas y la Torre de Pedabajo
Llegando a Fuente Dé...
En pasando Fuente Dé cuando la carretera gira a la izquierda garramos una pista a mano derecha (PR-S7) que bordea Pido dexándolu a la izquierda y sal a la la carretera otra vez pocu antes del cruce de Cosgaya.
En Cosgaya...
Paramos a garrar agua y de pasu a preguntar a unos paisanos de la zona, como era'l pasu pa subir al Colláu de Dobarganes. La respuesta fue que subiésemos pela pista de San Glorio, que taba mui malu y sin segar. Pensámoslo pero face-yos casu era subir en lugar de a 1100m. a 1599m. y ¡tan malu non tará!
Arrancamos per un camín que cada vez ye más estrechu y con piedres sueltes pero que se puede subir, ¡Bah, qué esaxeraos son los paisanos!...dempués d'un pocu el camín faise una llamarga y obligate a dir pel prau, comienza'l porteo...
Unos 2 Km. de ramal
O a llombu según el terrenu
Bastante pindios, cola pación hasta'l pechu y con una buena rosada, vamos, que garramos otra moyadura jejeje
La cámara era nueva y tenía activada una función pa protexer les fotos y no me dexa xirales...
El últimu Km. va per un senderín per bosque mui guapu...
Nel Colláu de Dobarganes sal una pista que va al pueblu del mesmu nombre...
Vamos en llanu hasta la pista que sal a Dobarganes
Y entós tenemos dos opciones, comer nun lagu que se ve o subir al Picu Jano a comer, que tien que tener buenes vistes. Como esti añu Furu ta intratable y veolu yo con gana de subir al picu:
-"que si son solo 350m.",
-"ye como subir a Cayón", etc.
Pues pal picu, con vistes al Curavacas y Peña Prieta...
Llegando al Picu Jano, con vistes a Picos...
Ye pindiu y ya hai fame, con Peña Prieta al fondu...
Llegando
Ye impresionante les vistes que tien...
Los últimos 20m. son trialeros...
Unes vistes que te dexen ablucáu, con panorámica de 360º
Fai calor, fame... y una mosquitada terrible...
Picu Jano, sitiu mui recomendable poles vistes
Baxamos a Dobarganes pela pista, dempués pela carretera hasta la carretera de San Glorio, manda girar a la izquierda na carretera de San Glorio y a 150 m. tomar un camín a la derecha pa baxar a Ongayo, será n'helicóptero porque lo que ye en bici ...el camín en cuestión ta mui guapu los primeros 100m. que van dar al depósitu del agua, pero dempués ni rastru de camín, ta tou tomáu, vuelta p'arriba y a baxar pela carrertera a Ongayo y a Vejo. En Vejo tenemos que subir a Ledantes per un camín, pero vistu lo vistu preguntámos-yos a unos paisanos del pueblu de Vejo cómo ta. La respuesta ye que fai muchos años que no pasa nadie y ta tomáu pola maleza. La opción que nos dan ye subir pela carrertera de San Glorio pa garrar la pista que va a Ledantes, pa facer eso no hubiesemos baxáu. Al final decidimos garrar un camín que sal del puente de entrada a Vejo que nos lleva a Vada y lluego carretera hasta La Vega y dexar d'investigar.
L'artista de la "TRANSCANTÁBRICA EN BTT" fai la etapa d'Espinama al Puertu de Piedrasluengas en "65 Km, 0.8 Km. de asfalto y distancia no ciclable 1.2 Km." (no lo cree ni él)
Pa empezar nel perfil pon que ye p'abaxu dende Las Ilces hasta Ongayo, Cosgaya y el Colláu de Dobarganes...¿son p'abaxu? jejeje. Dempués baxa de Dobarganes a Ongayo garrando la carretera que da a San Glorio (3 Km...¿En qué quedamos, no eren 0.8 Km. totales de asfaltu?) Y como eso tou, el llibru ta bien pa que te de una orientación pero non ye mui de fiar.
En conclusión, si vuelvo a repetir esta etapa, voi facela subiendo de Cosgaya a San Glorio (900m.), qu'al final ye lo mesmu que si subes de Vejo a la Collada de Presorio (400m) más los 400m. de la Collada Dobarganes y ye tou pista y evites porteos a lo fatu.
Furu en La Vega faciendo les pruebes d'accesu pal CIRCO DEL SOL jejejeje
No hay comentarios:
Publicar un comentario