domingo, 28 de octubre de 2012

XI Raid Picos de Europa (19, 20-10-12)



Pues pa finalizar la temporada esta vez tocaba la onceava edicion del raid  Picos de Europa, que para los que nos gustan los raid aquí en Asturias es como el tour de Francia, el más grande de toda la temporada. El equipo lo compusimos nuevamente Iván , Jorge y yo, ya que la última vez que corrimos nos acoplamos muy bien y decidimos probar otra vez y así intentar puntuar para la liga de Triraid, ya que esta prueba  puntuaría para dicha liga.






El fin de semana la verdad es que prometía mucho, ya que el tiempo nos iría a acompañar y la gran calidad de equipos que volvía a haber en esta edición marcaría una bonita carrera. Equipos como Buff Aventure, Excentri, Jaire, Morkaiko, etc. Desde campeones del mundo de raid, mejores barranquistas de España, de liga norte de orientación, esquiadores de primera línea nacional, ganadores de la última edición de Columbiaraid...
En fin, que teníamos seguro que apañaríamos una buena sudada.







La carrera estuvo compuesta de dos días, el primero compuesto de seis secciones: btt-carrera-barrancos-btt-escalada-btt, echamos unas ocho horas por tierras pongetas e inmediaciones de Cangas de Onís. Y en el segundo, en Mestas de Con, nos saldrían unas tres horas repartidas en btt-carrera-pruebas especiales y todo ello utilizando la orientación para desplazarnos a los puntos de control.







La carrera en general la controlamos física y mentalmente bien ya que no nos cebamos con ningún equipo superior a nosotros pues teníamos claro que si hacíamos nuestra carrera, al final la carrera no nos saldría tan mal. El sábado, la verdad es que corrimos por unos parajes de los mejores que se puede en un raid, por el bosque de Peloñu y más con el toque de calidad de subir al picu del Recuencu y hacer descensos de barrancos en el barranco de Viboli.





Al final el sábado, después de ocho horas de carrera, llegamos segundos a meta después de descolgar al equipo Nordeste en la escalada, pero con una hora de diferencia sobre los primeros. Difícil de recuperar al día siguiente, a no ser que les pase algo, que no fue el caso. Está claro que los buenos no suelen fallar, ¡por algo son buenos!, como dice Jorge.












Pues al día siguiente, domingo, viendo las clasificaciones con las oportunas bonificaciones, tocaba hacerlo medianamente bien ticando todas las balizas y entrar en tiempo de corte y el segundo puesto estaba asegurado. Pues así fue, lo único que nosotros cambiamos la estrategia respecto a los equipos de cabeza con lo que fuimos toda la carrera siempre solos y nos permitió ganar la jornada del domingo y restarle algo de tiempo a los primeros, lo cual no fue suficiente.





Pero la grata sorpresa fue cuando nos dicen que empatamos en el primer puesto con los AXLM en la liga Triraid que sin contar con ello siempre presta más. En fin, que nos tocó llevar unos cuantos quesos, chorizos, galletas, etc.  a los que tamos dando caza esta semana.




Y como no, mencionar la mejor asistencia del raid, "JUANÍN", que nos tuvo a cuerpo de rey en todos los puntos de control de asistencia. Sin duda alguna  tendrían que darle un premio por ser la mejor asistencia del raid y con mucho..






Y como no, la familia castrona al completo (Valero, Luis, Yo, Jorge, Manu, Romina, Iván y Carlitos) que la verdad es que nos falta montar en globo y t........

Dios quiera, si es que existe, que no nos falten nunca las ganas y el humor de hacer estes castronaes porque el día que nos falte muy gorda va ser.





                                                    http://www.labrujula.info/






    "EL QUE TENGA MIEU QUE SE BAJE DE LA CANOA, QUE YA ESTÁ LA NIEVE AHÍ"




miércoles, 24 de octubre de 2012

I Desafío Cantabria. Ultra Trail del Mar a la Montaña. 20/10/2012.

88 Km
5600 m+
4700 m-
13h34'03''


¿Una carrera de San Vicente de La Barquera a Espinama pasando per Peña Vieja?, pues sí, tamos tochos del tou, namás que lo vi quedéme cola copla, y si cuadra...
Al final cuadró, fecha mala climatolóxicamente falando (demasiáu tarde pa subir tan altu) pero buena porque, polo menos yo, yá lleves un montón de volumen d'entrenamientu de tol veranu y ye una manera elegante de rematar la temporada.
Taba previstu subir pela Canal del Vidrio y baxar pela Canalona, pero tando la semana anterior a la carrera lloviendo sin parar, la organización decidió cambiar el recorríu d'Aliva p'alante. Na Canal del Vidrio, nel pasu más complicáu, taba'l día antes de la carrera baxando agua y piedres sin parar, y amás, na parte d'arriba yá teníamos la primer nieve de la temporada y unes temperatures demasiáu fríes como pa garantizar la seguridá de tolos participantes, asina que recorríu alternativu, con un par de kms más que l'orixinal y casi'l mesmu desnivel positivu, pa que nadie proteste porque quede una "mariconada" de carrera...
El vienres tenemos cena antes de la carrera y charla técnica pa explicanos el cambiu de recorríu. Asturianos tábamos apuntaos 16 pero al final somos algún menos: Maxi, Gilberto, Joel, Rubén, Jorge, Alejandro y yo. Cenamos a les 21, tomamos un café, cambiámonos y yo a les 23:00 póngome a desayunar... pa estes xataes siempre lo fago, desayuno antes de salir sea la hora que sea, bastante descentre ye tener que correr tola nueche como pa encima tener que pasar fame...

Ambientín na salida

Con cara de nun querer saber lo que m'espera...

 La salida ye na playa, música al altu la lleva d'ACDC, Bruce Springsteen, Deep Purple... l'adrenalina saliendo peles oreyes y salida quemando suela, cruzamos tol puente, damos una vuelta per tou San Vicente (la xente de comedia flipando cola banda de trastornaos que tán viendo) y seguimos a un ritmu infernal per carreteruques, pistes y caminos de bastante buen firme, aunque hai dalgún qu'otru tramu de barrizal. Rápidamente fórmase alante'l tou un grupín de 6/7, onde voi metíu al principiu, faciendo un pocu la goma después, y d'onde me suelto después del avituallamientu de Gandarilla (onde namás me dio tiempu a garrar mediu plátanu) nun ataque de lucidez (1h02' pa los primeros 13 Km, teniendo per delante lo que tenemos...). El siguiente tramu hasta Cades voi más o menos con Jorge, subiendo quédase un pocu pero nes baxaes y nos llanos arráncame les pegatines, asina que voi garrando'l mio "ultrarritmu", procurando ser sobre tou constante, sin cebame nos tramos rápidos pero subiendo a buen ritmu. Los d'alante van garrando metros pero seguimos viéndolos. De repente métennos a baxar per un prau con caballos, nun se ven marques y el voluntariu qu'había a la entrada dizme que tire p'abaxu, coño, p'abaxu sí, pero ¿pa la izquierda, de frente o pa la derecha?, "p'abaxu, p'abaxu", pues p'abaxu, nun se ve nada, ta llenu sucos y da la impresión qu'en cualquier momentu van tiranos un quesu rodando pa que salgamos detrás d'él jejeje, pero de repente vemos a otru voluntariu faciendo señales cola llinterna.
 Llegamos a Bielva, baxamos unes escaleruques de cerca 300 escalones y llegamos a Cades, segundu avituallamientu, Km 21, 680m+, 600m- y ¡¡1h47'!!, como nun tranquilicemos un pocu más col ritmu nun llegamos nin a Lebeña. Salimos Jorge y yo xuntos subiendo per una pista primero, después per un senderucu onde lu dexo atrás, llaneo y baxo un tramu con bastante piedra y barru pa llegar a un avituallamientu líquidu y sigo cola subida al Colláu d'Arria. Lo de que yera tou corrible y rapidísimu hasta Lebeña, bueno, a peazos, porque la subidina al final ye montañera montañera y la baxada de después, tela, eso sí, ta preciosa, vense abaxo'l tou les luces de Los Pujares y ta tol camín marcáu con unos faroles blancos, pa encima nesti tramu voi completamente solu, asina que la estampa ye máxica. Subo la potencia del frontal y baxo concentráu. Cuando acaba'l tramu de baxada técnicu sigo per un camín y de repente veo los cuatro intermitentes d'un coche d'espectadores "espontáneos", paez que la noche los confunde jejee, empéñense en que salte una alambrera con 8 alambres d'espinu porque'l camín tien muchu barru y vase meyor pel prau (según ellos), por supuestu doime cuenta del percal y nun-yos fago casu... Garro un tramu asfaltáu y despues un camín, adelántame unu y siento a otru par d'ellos detrás, nun sé cómo despístome na entrada a Cicera y pásenme los dos mientres toi peleándome con un alambre d'espinu al saltar un portelleru, unu d'ellos ye Jorge que vien con calambres. Otru avituallamientu (Km 36, 1800m+, 1200m- y 4h03', lo de "casi" llanu...) onde tomo un caldu y yá me voi dando cuenta que la carrera nun fai más qu'empezar. Na subida al Colláu Arcedón gárrame primero David y después Sergio Besoy, de Brez, l'ideólogu d'esta movida de xuntar el mar con Peña Vieja, col qu'acabaré faciendo'l restu de la carrera hasta meta. Despistámonos nel colláu ente les marques fluorescentes y el reflexu de los güeyos de les vaques, asina que saco'l gps y nun momentu tamos na interminable y machacona baxada a Lebeña, onde nos adelanta José Vicente Benito igual qu'un obús.
 Llegamos a Lebeña, Km 44, 2250m+, 2030m- y 5h20', equí hai avituallamientu potente (pasta, caldu, té del puertu, bocadillos, y aparte tráente una bolsa por si quies cambiar de ropa, calzáu o meter comida propia) aunque nun paramos muchu, lo xustu pa comer y beber daqué y rellenar los bolsos de comida por si acasu. Salimos Sergio y yo sabiendo que queda la mitá en distancia pero más en tiempu, pero animaos porque llegamos hasta equí en un tiempu mui buenu y tamos bastante enteros, y amás empieza la parte más montañera. Unes buenes rampes pa subir a Allende y a Cabañes, un tramín cortu d'asfaltu hasta Penduso, otra buena subida hasta la fuente Culudre y después mediu llanu hasta l'avituallamientu de los Puertos d'Ullances (Km 54, 3250m+, 2350m- y 7h15'). Tán unos amigos de Sergio per ellí animándolu y tán acoyonaos col ritmu de subida que traemos, un par de vasos de té, comer algo y seguimos. Queda pocu pa qu'amanezca y comentamos lo llarga que se ta faciendo la nueche y que menos mal que nos asociamos, tou esto solu, de nueche y cola kilometrada que llevamos... ye lo típicu que si nun vas con alguien ye una agonía porque nun sabes si vas bien, si vas mal, si demasiáu rápidu o si demasiáu acomodáu, pa encima como lo conoz, va cantándome los tiempos y ¡¡hasta les piedres!!, dizme que si tou va bien llegamos a Espinama entre 13 y 14h, al principiu nun lu creo (contaba facer unes 15), pero viendo que los parciales ente avituallamientos ta clavándolos habrá que face-y casu...
 Yá quier amanecer, tramu embarráu aparentemente llanu nel perfil pero rompepiernes (nun hai grandes desniveles pero tou suma) y llegamos al avituallamientu de Brez col frontal recién apagáu (Km 64, 3760m+, 2750m- y 8h34'). Salimos a pola subida al Colláu de Cámara, comienza'l rock&roll, senderu estrechu a media ladera y después un peazu cuestón, empiezo a arrepentime d'haber decidíu dexar los bastones en casa media hora antes de salir pa San Vicente después de llevar tola semana pensando si los llevo o non... polo menos veo que sigo subiendo bien. El ritmu ye altu, porque nun momentu que me despisto llegando al colláu garrando algo pa comer, Sergio sácame unos cuantos metros que nun soi a recuperá-ylos hasta l'avituallamientu d'Áliva (Km 70, 4700m+, 3000m- y 10h20'). Otru té, comer otru pocu y apaez José Vicente Benito, coño, perdióse y por eso lu adelantamos sin velu. 

Forrando n'Áliva...
 

...y saliendo col bocáu en boca

Salimos pa la Horcadina de Covarrobres los tres, pero José Vicente va como un auténticu cañón y sube destapinando, nosotros dos siguimos bien pero vamos a tomalo con un pocu más de calma y yá empezamos a goler la meta, sabemos que si tou va bien como hasta agora, nunes 3h-3h30' tamos en Espinama. De la Horcadina a Igüedri ye tou de correr picando p'abaxu, a estes altures resulta un pocu pesáu, pero al llegar a la Portilla del Boquejón oigo unes voces animándome, ye Chus, conocila xunto con Toño y Fonso (los 3 de la zona) na Chamonix-Zermatt l'inviernu pasáu y agradezse un montón a estes altures de carrera los ánimos d'alguien conocíu. 

Llegando a la Portilla del Boquejón

¡¡Cómo presten los ánimos a estes altures!!
 

Queda la última y dura subida al Colláu Valdecoro, por primera vez en tol día siento sensación de fame, por si acasu vuelvo a comer y dígo-y a Sergio que coma, ta pasando una pequeña crisis pero ye duru y con algo que come y bebe volvemos a la carga y antes de danos cuenta tamos nel colláu. Acoyona ver la baxada que tenemos delante, tol circu de Fuente Dé prácticamente a pinchu. Pocu a pocu llegamos abaxu onde tán un montón de compañeros de trabayu de Sergio esperando p'animalu, y onde la entrada al teleféricu, ¡¡Coño!!, ¡¡ún d'Infiestu!!, Tolivia con Inés que tamién nos animen pal últimu tramu que nos queda. Subidina per pista y después tou en llanu y p'abaxu, aunque yá nun queden ganes de correr muchu, vamos 9u y 10u
y detrás nun se ve nadie, colo que yá cumplimos de sobra. Pa encima, nel avituallamientu d'Áliva taba l'alcalde de Camaleño y díxo-y a Sergio: "¡¡Coño!!, ¿yá tas equí?, si llegues ente los 10 primeros doite 50€", asina que vamos riéndonos pensando nos 50€ que va tener que posar si quier quedar como un paisano. De repente apaez ún de la nada y adelántanos, bueno, dexo a Sergio entrar delante y sigue tando'l 10, pero vemos detrás a otros dos o tres, asina qu'arrancamos a correr nun vaya ser... Recortamos un cachu al que nos acaba d'adelantar pero dase cuenta y aprieta otru pocu. Llegamos a Espinama en 13h34'
10u y 11u, al final ficimos un carrerón. 

Entrando n'Espinama...
 

 ...después de 88 Km y 13h34' de comedia...


 

Con Laura y mio padre

 Cocíu lebaniegu pa reponer...

...y pa San Vicente a tomar algo. Con Maxi y Gilber tomando una merecía caña xustu nel chigre que taba onde la salida.

Del Mar a la Montaña y volvemos al Mar. D'equí a los montes que tán al fondu a la izquierda detrás de la niebla ye la burrada qu'acabamos de facer

Tarde espectacular pa dar un paseo.

Soltando les pates el día después...

...eso sí, ¡¡con cuidáu!!

Antes de la entrega premios y d'una espectacular parrillada, ¡¡cómo taba la ventrisca de bonito!!
Joel, Maxi, Gilberto, yo y Rubén, los 5 irreductibles astures que conseguimos acabar, ¡¡Qué bravos sois!!

Con Sergio, ¡¡Norabona, campeón!!
Por ciertu, l'alcalde de Camaleño cumplió colo dichu y dio-y los 50€ jejeje

¡¡Ah!!, y sesión de rehidratación y batallines n'Infiestu colos dos castrones Iván y Furu que xunto con Jorge Egocheaga veníen de quedar segundos nel TriRaid  Picos d'Europa, ¡¡¡GRANDES!!!



Personalmente por esti añu cierro'l chiringuito, contentísimu y con buenes sensaciones en distancia llarga, que siempre se m'atragantaba bastante. Paez que'l trucu, aparte d'entrenar y entrenar y entrenar... ye dir conociéndose, comer y beber a cada pocu y llevar un ritmu cómodu, sin dormise pero sin calentase más de la cuenta.
Norabona a la organización, viendo esta primera edición seguru que vamos tener Desafíu Cantabria un montón d'años, carrera mui recomendable, mui montañera (por muchu que los primeros kms sean rápidos), guapa y dura, con un preciu mui axustáu (48€) y con un tratu espectacular pa col corredor: cena'l vienres, comida'l domingu, buenos avituallamientos, llevábente un bolsa al Km 44 y otra a meta, bolsa de corredor completa, de detalle pa los qu'acabamos un peazu malles... y sobre tou un equipu de voluntarios amabilísimos y volcaos por completu cola prueba.

¡¡¡Gracies a toos!!!






jueves, 18 de octubre de 2012

Espinama- Peña Vieja-Espinama. 17/10/2012

El sábado 17 d'ochobre arrancamos pa Espinama, a investigar la parte más técnica de la carrera  del prósimu sábado "Desafío Cantabria", que va dende San Vicente de la Barquera a Espinama, pasando per Peña Vieja (86 Km. y 6200m +), casi nada... Al estar apuntáu Jordi pa la carrera y no conocer la canal d'El Vidrio, nin la baxada a Espinama y como yo tampocu lo conocía animéme a dir...

Panorámica

Salimos d'Espinama a les 9:15 con un fríu... que duro pocu al enfocar los primeros metros de pista, al 1/2 Km. giramos a la izquierda per un camín pa no subir pela pista hasta Áliva, que ye per onde va la carrera. Dir al Joyu de Igüedri, al Colláu de Valdecoro, Collada de Junciana y a Sal del Pozo Cimero pa salir a Áliva. Mui prestosu y rápidu (colo pindiu que ye...)
Datos



La cosa ponse pindia...

Hai que pasar dexando'l Picu Valdecoro a la izquierda (el que se ve enfrente)...

A 100m. de les Portilles del Boquejón giramos a la izquierda, en dirección al Colláu de Valdecoro...

La subida no da tregua...

Empezamos a ver robezos...

Enantes de llegar a la Collada de Valdecoro giramos a la derecha pa dir a salir a la Collada de Junciana (foto)

Ya vemos Peña Vieja, equí ya subimos la mitá 1000m +, solo queden otros 1000 m. +...

P'abaxu pa salir a Áliva...

Mi madre, no queda nada...vese en casa dios...y con esti animal que ta como un xatu...

Pasamos la Canal d'El Vidrio, onde'l GPS volvióse chifláu, con menos dificultaes de les que teníamos previstes, ya que contábamos qu'era peor de subir. Ye subir tol pedreru p'arriba y dempués girar a la izquierda con un pasu malu d'un metro sobre una piedra lisa y moyada pero con buenos agarres...

Yo cuando voi con otru qu'anda bastante más que yo, como sé lo qu'hai, no llevo la cámara pa no perder tiempu faciendo fotos y concentrar toles fuerces jejejee, por eso solo salgo yo...

Subiendo la última pala de Peña Vieja con vistes al colláu de La Canalona y Santana

Equí fai un fríu (2ºC), a pesar de dar el sol fai un cutu qu'escarabaya'l pelleyu...

Nel picu foto de rigor y vámonos que fai munchu fríu...

Vistes...

Mar de nubes...


Fierru pa Bilbao...


La vuelta ficímosla per onde ta marcáu nel track de la carrera, pela pista hasta la Horcada de Covarrobres, pa subir a la Colladina, salir en llanu-baxada a la Collada de Junciana y continuar pel mesmu trayectu de subida...

FIN