viernes, 28 de diciembre de 2012

Peña Mora. 09/12/2012

  Vanesa, Laura, Furu y Jordi

La pala sur de Peña Mora tirando de zoom desde La Uña


Primer día de la temporada con ñeve bastante, bona previsión meteorolóxica y bona compañía. Vamos pa Peña Mora dende La Uña pa garrar tou vertiente sur intentando evitar el xelu. A pesar de nun madrugar y de facer un día guapísimu ponemos los esquís a -5ºC, pero rápidamente entramos en calor.

Vista p'atrás namás salir, La Uña y Los Mampodres asomando detrás

Parada "técnica" a cambiar de cascu, col de pista pa facer travesía lo más normal ye que fundan les idees...

La ñeve na parte más baxa ta durina, pero'l día ye espectacular

Saca la cámara, saca foto, guarda cámara...¡¡¡esperái, ho!!!

Vanesa, Laura y Furu


Remontando el tubín tan guapu que vamos tener pa baxar

Nos últimos 75m de la pala d'arriba'l tou, a pesar de tar la ñeve suelta unos dos o tres centímetros, xustu debaxu hai un planchón xeláu que fai que tengamos que quitar los esquís pa poder subir.

Los Mampodres siempre detrás nuestru



La  impresionante...



...Peña Ten, equí desde Peña Mora, cola cornisuca qu'hai que saltar pa esquiar tola pala



Colláu Zorru, Picu Lluengu y al fondu el cortáu de La Llambria



¡¡¡P'abaxu!!!

Arrancamos a baxar desde la cornisa pero al primer xiru yá nos damos cuenta que ta la cosa delicadina, la capina d'arriba ta suelta, pero lo qu'hai debaxu...cuidadín, limitámonos a perder altura hasta que la  inclinación ye más suave...y ehí sí que ta perfectu.


¡¡¡¡Yíííííih.aaaa!!!!



Hai que ser finu, ¿eh?, cola cámara quiero dicir...jejeje



Peña Mora al fondu a la derecha.
La parte más inclinada d'arriba'l tou yera lo que taba delicáu, pero d'ehí hasta onde tamos Laura y yo, que ye onde paramos a comer, taba mui disfrutón


Después remar, cruzar regatos, camín con güella xelada...en fin, esquí de matu...


A pesar del sol paez que tá fresquín...


Poca ñeva na parte más baxa

Exemplu d'adaptación al fríu, más qu'un potru pol pelu paez una oveya...

Salimos con fríu y llegamos con fríu, pero'l día apurámoslu a tope, y si nun lo creéis mirái pa les cares...


Unes cervecines n'El Campu pa descansar de tanta curva y acabóse...


No hay comentarios:

Publicar un comentario