miércoles, 26 de marzo de 2014

Arredondes - Boru - Soriano 14/03/2014

Entamamos del H.itu Escarandi, colos esquís a llombu hasta la canal de Les Vaques, la nieve ta dura pero súbese. Del Casetón al Callejón tenemos que quitalos, primero porque hai calves y nel Callejón pa poner pinchos, que yá no quitamos hasta llegar a La Rasa. La baxada de Les Arredondes mui buena, nunca defrauda. 
Como era tempranu ficimos el Boru y luego apeteciósenos facer el Soriano y baxar per una canalina que tien mui prestosa...
Panorámica

Datos


 Camín a La Rasa, ta un pocu xeláu...



Vistes dende La Rasa

Les Arredondes nunca defrauden...

 Vistes del central dende'l Boru

 El Soriano. Pa variar... ¡adivinar quién taba yá nel picu!

 Póngovos un videu 



 FIN

domingo, 23 de marzo de 2014

VI Carrera Alto Sil. 16/03/2014.

32 km
1900 m+
3h16'52''


Otra vegada más en Santa Cruz del Sil, como siempre, últimu fin de semana del inviernu y primera carrera de la temporada. Tamos tovía a media temporada d'esquí pero hai que dir a pasar la ITV, a ver si la maquinaria ta a puntu, pa encima a los que corrimos toles ediciones resérvennos dorsal, polo que nun se pue faltar.
A pesar de saber que nun voi tener ritmu carrera (de xueves tovía cayeren 8 horines d'esquí per Picos... buenísimu pa la zancada pa correr el domingu...) fago una salida especialidá de la casa, en 150 metros yá voi'l primeru, aunque al pocu pásenme Saúl, Zaid y Merillas. Facemos grupín con Raúl y Manu y al empezar la primera baxada pel cortafueos pásame Santi. Casi me da la risa cuando llevanto la vista y yá veo a Saúl y Zaid enfrente a media subida d'El Muro, ¡¡mi madre cómo van!!

 Subiendo El Muro.

Na subida aprieto a ver como va'l personal y póngome cuartu, na baxada a Páramo pásame Raúl y solo me garra Manu entrando al pueblu, aunque Santi y Arca vienen cerca.



 Llegando a Páramo con Manu, igual que l'añu pasáu.

Na subida a La Campona van dexándome atrás Manu, Santi, Raúl (diba delante pero perdióse y garró una bona pulmonada'l probe pa volver a pillanos) y Arca, nun voi mal pero nun hai más ritmu nes piernes.

 Camín de La Campona con Manu y Santi.

Baxando de La Campona a Primout.

Primout.

Al empezar a baxar a Primout la xente que ta animando diz: "Venga, campeona", ¡¡coño!!, ¿con estes pates peludes como un osu y confundiéronme con una muyer?, miro p'atrás y Ana Conde a puntu garrame, ¡¡h.oder, nun me puedo entretener!! Llego a Primout y paez que la distancié na baxada, fago más de mediu tramu al llau del ríu solu, nun tengo referencia y nun sé si voi rápidu o despaciu y de repente oigo zapatear detrás, Rubén y Ana. Ponse Rubén a tirar y veo que cuando diba solu diba más despaciu de lo que podía, voi cómodu detrás d'él y al peazu póngome yo a tirar.

 Ún de los muchos tramos acuáticos, antes de la última subida.

Llegamos los tres xuntos a la última subida y póngome a tirar a tope, "equí suéltolos fiju" pienso pa mí. Rubén quédase pero Ana sigue ehí. Veo a unu caminando tranquilamente, pero pa tar viendo la carrera véolu mui "preparáu", al acercame veo que ye Saúl, dizme que va col estómagu tocáu y que quedó sin gasolina, mui elegante'l xestu d'acabar la carrera a pesar de tou. Pásame Ana y nun doi créditu, toi encontrándome mui bien, toi dándo-y a tope, estes subíes d'andar ye lo míu y nun soi a siguila, ¡¡la madre que la parió, cómo sube!!, a ver si con suerte na baxada soi a garrala.

¡¡Más agua!!
Yo contaba con qu'esti yera l'últimu repechu pero...

...quedaba algún otru, polo menos equí pusieren puente pa cruzar la riega...

Nun se por qué contaba que la baxada diba ser como siempre, pero metieren unos cambios al final mui guapos pero que nun contaba con ellos, unos cuantos repechucos más, una baxada per una caneya-ríu mui guapa y entrada a meta en subida, guapu pero Saúl (padre) adelántame al principiu de la última subida y casi na mesma meta failo Carlos.

 ¿Acabóse yá, ho?

Al final el 10 na xeneral y mui contentu pues acabé mui bien y mui enteru. Ana metióse la 7ª y ojo a Leire Fernández Zabete, creo que tovía nun cumplió los 16 añinos y llegó 10' por detrás míu, la 17ª!!
La paella como siempre espectacular y más compartiendo "mantel" col gran Higinio y Estrella y con Iñaki y Olaya



viernes, 14 de marzo de 2014

Lebaniegu y ruta por el Central.

Ruta chula por el Macizo Central de Picos de Europa. Dejamos el coche en les Vegues de Sotres y subimos con los esquís en la mochila dirección Las Moñetas. Tras media hora de pateo, pusimos los esquís y nos dirigimos hacia la collada de Lebaniegu. El sol apretaba de lo lindo, pero la canal de Lebaniegu todavía estaba muy dura, así que decidimos bajar por donde subimos hasta el Hoyacón de Villasobrada, y remontar nuevamente hasta Lebaniegu. Nuevamente en Lebaniegu, la nieve se había puesto en condiciones y bajamos dirección Jou sin Tierre, continuamos nuestra andanza hacia la collada de Santa Ana y descendimos por la siempre espectacular Moñetas. Día espectacular y nieve muy buena en las caras sur o en donde dé el sol más de 2 horas. 

Track equí.




Vídeo.








martes, 11 de marzo de 2014

La Bermeja desde Posada de Valdeón 8/03/2014


Ya facía tiempu que queríamos facer La Bermeja, Marco y yo nunca l'habíamos fechu.
 Y la verdá ye que no defraudó...
Panorámica

Salimos de Posada de Valdeón  a les 10 con muchu calor, como no sabíamos mui bien per onde era, preguntámos-y a un paisano.
-"Pel camín de la izquierda de la torreta, y luego tolos cruces a la derecha hasta llegar a la última cabaña (Pantivalles). En Pantivalles monte arriba a dar a les LLeras de Pambuches"
-"Pero no se si llegaréis... si lo veis malu dai la vuelta..."
-"Si ho vamos hasta onde podamos, que no tamos ofrecíos, gracies"

La nieve ta alta, y vamos tener que portear...

Caminamos una horina, hasta pasar la última cabaña de Pantivalles... 


En Les LLeres de Pambuches



H.oyu d'El Bufón y la canal d'El Bufón, ¡¡Ta pindiu!!



La canal d'El bufón ¡¡ye pindia!! pero como fai tantu calor súbese bien, al enterrar bastante. Sobre tou si va faciendo güella gaiteru, jijijijij

Salimos de la canal d'El Bufón

Últimu  pasu pa pasar del H.oyos de los LLorosos, a l'arista de La Bermeja. Ye'l pasu más pindiu...



La Bermeja

Peña Santa

Agora lo meyor, la nieve ta paposa a cuenta del calor, pero como ye tan pindiu esquiase bien...



Baxada perguapa

Vamos pa la canal d'El Bufón a ver qué tal ta...

Uff... "manteca fiyu..."




La baxada...

N'El Vallejón de las H.orcadas, quitamos esquís y pal coche...

Yo lleve playeros pa dir más cómodu (según Gaiteru y Marco, pa no joder les botes jijijijiji) y como no baxamos pel mismu llau tuvi que subir 300m a por ellos, col consiguiente cachondeo...
Esquiada mui prestosa, pero delicada con riesgu d'aludes y con xelu...
FIN