42,195 km
2736 m+
5h17'26''
¿Ónde váis tan rápidu?, ¡¡Esperái ho!!
Después de correr la edición de 2011 taba claru que tenía que volver, el virus Zegama taba metíu en cuerpu y quería meyorar el tiempu porque nun había salíu bona carrera a cuenta los calambres. L'añu pasáu ficieren otra carrera paralela, la Zegama Junior Trail, polo qu'esti añu tamién va venir Carlos a correr, a facer un carrerón y a disfrutar del ambientazu.
¿Adivináis cuála ye la foto del comienzu y cuála del final? jeje
Aunque suene a escusa barata, depués del hostiazu de Pienzu nun venía precisamente en bones condiciones: contusión nuna costiella (paez que non, pero aunque acabes acostumbrándote, duel), postielles varies que nun me dexaren correr más que dos díes en dos semanes y que nun me dexaren salir cola riñonera y un pequeñu edema oseu na rodiella derecha que va cambiame completamente'l planteamientu de la carrera (intentar asegurar les 5h pelaes sin forzar demasiáu y faciendo les baxaes con tranquilidá).
Con esti cuadru salimos con relativa tranquilidá, el plan ye dir controlando los tiempos de va dos años y dir más lentu al principiu pa poder apretar un pocu más al final y meyorar un pocu'l desastre de la segunda mitá de carrera que fice, cosa que nun paecía mui difícil...
Nun me dexo llevar pola emoción y voi a lo míu, después d'un peazu gárrame Santi, que me diz que tampocu va calentase y que quier asegurar les 4h45' (que por ciertu clavóles). Pasamos per Otzaurte intentando que los ánimos del públicu nun me fagan dir más rápidu de la cuenta, la baxada depués del avituallamientu d'Ultzama despacín (va dos años pegué una bona llombada...), pásame la primera muyer, Stevie Kremer que vien como un tiru y nel llanu de después gárrenme Txus Romón y Zígor Iturrieta, colos que voi un cachu pero déxolos tirar porque van a poles 4h30'.
Calentando (más bien recalentando) camín d'Atabarreta Nun me dexo llevar pola emoción y voi a lo míu, después d'un peazu gárrame Santi, que me diz que tampocu va calentase y que quier asegurar les 4h45' (que por ciertu clavóles). Pasamos per Otzaurte intentando que los ánimos del públicu nun me fagan dir más rápidu de la cuenta, la baxada depués del avituallamientu d'Ultzama despacín (va dos años pegué una bona llombada...), pásame la primera muyer, Stevie Kremer que vien como un tiru y nel llanu de después gárrenme Txus Romón y Zígor Iturrieta, colos que voi un cachu pero déxolos tirar porque van a poles 4h30'.
Momentu Otzaurte, jeje, subidón d'adrenalina...
Llego a la cumbre del Aratz con 5' de retrasu, bien, vamos siguiendo'l plan previstu, y lo meyor ye que vengo sin calambres y frescu, nel 2011 equí yá diba fechu un cromu. Baxo tranquilamente y pásame Emelie Forsberg, aunque lleva un ritmu aparentemente asumible, paso y sigo a lo míu, tranquilidá... Nesta baxada pásenme 15, pero yo a lo míu. Otru subidón en Sancti Spiritu cola cantidá de públicu qu'hai y p'arriba pal Aizkorri. En tou esti tramu tan técnicu y montañeru de subida al Aizkorri, crestéu al Aitxuri y baxada a Arbelar y Oltze pel "Hostiagorri", a pesar de siguir tranquilu vuelvo a recuperar los 15 puestos perdíos na baxada del Aratz y sigo colos mesmos 5' de retrasu, bien, coño, paez qu'esto de correr con cabeza ta funcionando. Agora, según lo previstu, nes campes d'Urbia que ye terrenu corredor, tengo qu'apretar un pocu y correr tou esti tramu a un ritmu decentín, porque equí la otra vez yá diba arrastráu arrastráu...
Aizkorri
Pero como esto nun ye una ciencia exacta, a la hora de poneme a correr un pocu más fuerte veo que nun voi como esperaba, algún amagu de calambre nos aductores faime esperar un pocu más y xugámela na última baxada. Llego a Urbia consiguiendo recortar sólo un minutu, gárrame Calleja y subo detrás d'él l'Andraitz, recorto otru minutu arriba, colo que namás llevo 3' de retrasu, coño, a pocu qu'apriete na baxada tengo que recortar esos 3' incluso dalgún más, va dos años baxélo mediu caminando y parando a cada pocu a estirar...
Pero cuando tou pintaba bien, arranco a baxar y los aductores dicen qu'onde voi, que si depués de 3h56', 30km, más de 2500m+ y 15 díes sin correr más que dos veces tovía cuento baxar como un llocu... esto paez el festival del calambre, su madre...
Hala, a sufrir otra vez esta puñetera baxada, que mira que ye guapu'l bosque pero nun hai manera de disfrutalu al 100%. En Moano nun ye que nun haya recortáu, ye que yá perdí otru minutu (4' de retrasu), n'Otzaurtza acumulo 8' de retrasu y d'ehí a meta, n'otros 4 km, pierdo casi otros 5', baxada gloriosa, sí señor...por ciertu, equí pasóme Tomás (entre otros 14...) como una moto.
Camín d'Itzubiaga
Pasada de bosque, últimos 2 kilómetros y los aductores a caldu...
Entrando en meta igual qu'un fistro diodenal, pecadorr de la praderarrr...
Llego en 5h17', mui contentu de tar corriendo equí con esti día tan buenu y de que la rodiella nun me diera guerra pero decepcionáu col tiempu y col resultáu de la estratexa de carrera en teoría tan bona pa una carrera llarga y dura como ésta. Tol mundu siempre lo diz: "hai que dir de menos a más". A mí personalmente creo que me vien meyor lo de siempre: salir a tope y ganar tol tiempu que pueda na primer parte porque al final siempre llego igual de h.odíu... ¡¡o el doble!!
Pero pensándolo fríamente, digo yo que viniendo nes condiciones que venía yá fice bastante más de lo que podía esperar...
Ye lo qu'hai, ¡¡pa la prósima más!! (y esperemos que meyor...jejeje)
Y por ciertu, dar la norabona al castrón de Mejido pol carrerón que fizo esi fin de semana nel Ultra Trail Aldeas de Courel, 9h11' pa 85 km y 6u na clasificación xeneral, ¡¡AHÍ, GRANDE!!
Y por ciertu, dar la norabona al castrón de Mejido pol carrerón que fizo esi fin de semana nel Ultra Trail Aldeas de Courel, 9h11' pa 85 km y 6u na clasificación xeneral, ¡¡AHÍ, GRANDE!!
Mapa
Jordi, enhorabuena porque en les condiciones que fuiste y hacer lo que hiciste tien muchu meritu :)
ResponderEliminar