La Rasa de La Inagotabale. 24/02/2011

Castrones: Iván y Jordi.
Ruta: H.itu Escarandi-Canal de les vaques-Casetón d'Andara-El Callejón-La Rasa de La Inagotable y vuelta igual.
Desnivel: 1000m+
Tiempu: 3h56'

Otru día entre semana qu'arrancamos colos trastos pa ver si se puede esquiar daqué pela mañana antes de dir a trabayar, despertador a les 5:50, forrar bien pa desayunar, tuneáu de pies con esparadrapu (a cuenta les angüeñes de subir foqueando pela carretera l'Angliru a toa pastilla va 20 díes...) y hora y media de coche, pa variar...
El panorama a les 8:00 nel H.itu ye desolador, nun hai casi nieve, toca cargar los esquís a la chepa y pista p'arriba, na Canal de les vaques calzamos los esquís, la nieve ta dura como un peñón. Dígo-y a Iván que güei pusi'l mou "castrón-castrón" y que-y de biela a ver si soi a siguilu, cagontal, arrancamos p'arriba destapinando que paecía la salida de la Pierra Menta...

Arrancando pela pista'l Casetón

Equí Iván un cachín p'arriba del Casetón, col Valdomingueru, Picu Soriano, Cuetu Tejáu y Picu Boru detrás. La nieve ta durina y la cosa ponse un pocu delicada pa un novatu como yo, lo que fai que tranquilicemos col ritmu (por suerte...), toca día de prácticar vueltes María aguantando la respiración...

Vista p'atrás, col Macondiú a la derecha

La Rasa, el Castillo del Grajal y el Callejón (onde vamos a poner les cuchilles pa poder subir)

Llegando a La Rasa, la nieve durina, durina...

Valdomingueru, Picu Soriano, Cuetu Tejáu y Picu Boru

Iván con Rosa y Eduardo que diben pa Les Arredondes, a nosotros yá nun-nos da tiempu a dir con ellos, y eso que-y tenemos ganes a la canal pero a les 12 tenemos que tar nel H.itu de vuelta pa volver pa casa, comer y a currar

Un par de castrones cola Silla del Caballo Cimero, Morra Lechugales y Pica'l H.ierru detrás

Pa la zona de Peña Prieta, Picu Murcia, Curavacas...

El Picu San Carlos peladín de nieve...

El Macondiú yá de vuelta después de baxar ratoneando tola nieve posible pela Canal de les vaques, probar la dureza de la piedra caliza (el ratonear demasiáu ye lo que tien, toi escribiendo con una mano y rascando la rodilla cola otra...) y quitar los esquís y volver a ponelos a la chepa

Hala, pa casina más contentos qu'otru pocu