Traspirenaica, Pedaladas con sabor a sal

Hay un llugarín allá onde se axunta esti estáu bananeru col otru onde viven Astérix, Obélix y Sarkozy salpicáu por milenta llagos, onde los picos casi que lleguen a tocar les ñubes y una recua de ríos y riegues bañen les vegues dando frescor y verdor a aquel peazucu mundiu. Asemeyáu a un serruchu, si me mira de llau, dicen que fai una mano años allí vivió una diosa a la que llamaben Pirine, dioses vi munches tando per aquellos llares, que se llamaren Pirine non atopé ninguna, se ve que coló la rapaza pa dalgún otru llau, porque si non me equivoco les dioses son inmortales. El vídeo que vos dexo ehí ye un recorriu lonxitudinal que fice per aquelles tierres va un par de branos, del Mediterraneu al Cantábricu a golpe de pedal.