Hay munchos llugares nesti planeta que-y llamen tierra. Llamen-y tierra por que d´alguna manera se tien que llamar, pero tierra...tierra, lo que se diz tierra de verdá ahi una mano d´elles, cada un tien la suya.
La mía, la nuesa, non será la más grande, tampocu ye ni de lejos la más rica, orbaya abondo y l´inviernu dura una mano meses, fai friu a menudu y métese munchu'l borrín. Hay acá metíos una mano astures, que falen a voces y por cada tres pallabres dicen un cagamentu, miden lo que beben por cubes y lo que comen por duernes.
Somos asina, allabiegaos, que se-y va facer, pero tenemos la gran virtú d´entamar amistá col foriatu de turnu con una facilidá asombrosa, debe ser esa confianza col semejante la que fai querer a tolos rincones que caen de La Cordillera pal Cántabricu como solo los que aquí nacimos los sabemos querer. D'alguna manera, somos como una familiona pergrande, cales onde cales, non ties mas que atopar a daquién con quien falar, lo que va sobrar ye de qué, si daque te fai falta nun tengas mieu, nun va faltar quien te heche un cablucu.
Hubo tiempos permalos n´estos llares, hubo miseria y guerres, faltó que comer y sobró xente. Dalgunos nun tuvieren mas remediu que colar mar alantre, pa otru llau del redondel que-y llamen tierra. La so tierra de verdá quedó aca y sin querelo ficiéronse ciudadanos del mundiu, ciudadanos ensin tierra.
El video que vos pongo ahí debaxu fala d´Asturies, de bicicletes y d´emigrantes. El que suscribe non puede facer más que quitase la boina delantre d´ellos.
Esti blog surde de la necesidá de difundir les nueses castronaes y facer un trabayu collaborativu na difusión d'actividaes.
No hay comentarios:
Publicar un comentario