Chamonix- Zermatt (4 de 6, 20/04/2011 )

Tamos na 4ª etapa, ye la más corta de toes (unos 9 km. y 1000 m. +), depués de la cena "ligera" del día anterior: 4 platos de sopa de verdures, dos plataos d'ensalada, 3 plataos de carne con puré y de postre peres con oruxu (l'anorexia nos va joder jejeje). Al cocineru daba-y la risa de la fame que teníamos, pero la dieta a base de barrites y chocolate faite cenar con una gana ...Como era'l día más cortu teníamos previstu non madrugar, la nuestra sorpresa fue cuando-y preguntamos al cocineru a qué hora daben el desayunu y  contestanos qu'a les 5:30 horariu únicu pa toos, empezamos a porfia-y pero estos suizos son cuadriculaos, "que si ye mui tempranu que desayunemos y vayamos pa la cama otru pocu, pero la hora del desayunu ye intocable". Pues l'únicu día que podíamos dormir la mañana levántanos a les 5:25 pa desayunar. Al final salimos a les 7:50 los últimos con diferencia del refugio, que raru... Esta ye una de les etapes más guapes que ficimos.

Panorámica

Datos:

Track Equí

La salida del refugio hasta'l glaciar de Cheilon ye baxada y atopamos la nieve bastante xeláu. El refugio tien unes vistes impresionates a la norte Mt Blanc de Cheilon (900 m. de paré)

Nel glaciar pusimos les pieles y subimos pel glaciar de Tsenaretien, puede vese a la xente subiendo en pequeños grupos, hasta'l colláu "Col de Chesiere Neuve". La nieve taba bastante durín, tábamos a unos 

-5ºC.

Pa variar díbamos siguiendo a la xente que madrugaba más que nosotros. Esti día tuvimos un puntu de inflesión na marcha del grupu. Depués de la paliza del día anterior envede dir a peor, el grupu compactóse más y subió'l ritmu munchísimu, díbamos como voladores, munchu más rápido qu'en los díes anteriores. Esti ye'l pasu más delicáu de la etapa, al tar la nieve mui duru (pusimos cuchilles) y tener un cortáu considerable que non s'aprecia mui bien na semeya, non se podía caer.

Otru puntu delicáu ye nel col de Breney, nel qu'atopamos grietes y hai que dir con cuidadín...

El día preciosu a l0 m. del Pigne d'Arolla, dibamos como volaores...

El Pigne d'Arolla, los últimos metros taben bastante durinos y nel picu tamién, con un buen patio al norte y 20 metros cuadraos de picu pa 40 persones, era un sitiu de muncha tensión. Foto, quitar pieles y p'abaxu...

Nel colláu d'Arolla, ye tou p'abaxu unos 700m. de desnivel hasta'l refugio de Vignettes

El descensu prestosísimu, con vistes al glaciar de Otemma (inmensu) y el  Blanchen-Pit (la pirámide).
La cosa ponse píndia...

Vistes del Dent d'Hérens, el Cervino y el galciar d'Arolla, bastante peláu de nieve pola ola de calor que sufrieron tol mes d'abril.

La esquiada la meyor hasta'l momentu, con vistes precioses, la nieve primavera buenísimu, tramos píndios y muertos de risa d'alegría

Llocos de contentos, después del descensu tan buenu...

Salimos al final del glaciar d'Otemma y pusimos pieles pa remontar el Col de Vignettes. Vese'l Petit Mt Collon que tenía güelles de ¡¡baxalu n'esquís!! y la subida del prósimu día dexándolu a la derecha, al colláu que se ve en medio (Col de L'Eveque)

Refugio de Vignettes engoláu n'un paréu de 400 m. preciosu ...eso sí, facía un aire...

Llegamos al refugio sobre les 12:30 y depués d'organizamos sobre les 13:30 vimos que daben comides y garramos pa comer una especie de puré de patata con beicon y güevos al fornu que taba buenísimu, acostrumbraos a les barrites y el chocolate...eso sí, va variar non teníen agua nel refugio.

A siguir fediendo a CASTRÓN

Restu d'etapes equí: 1, 2, 3, 5 y 6