8ª TRAVESERA INTEGRAL PICOS DE EUROPA

  25/26 DE JUNIO/2011

    Salida : El Repelao (Covadonga)
    Llegada: Arenas de Cabrales
    Distancia: 74 km

    Desnivel positivu acumuláu: 6.560 m

    Desnivel negativu acumuláu: 6.685 m
    Desnivel total:  13.245 m

       

                                 

    Por fin se acabó la tensa espera de estos meses de incertidumbre…

 Después de un día de ajetreo de mochiles, de recoger los dorsales y de dexar el camastru móvil en Arenas, son les 23:45 y ya estamos en el Repelao a los pies de Covadonga. El corazón, como si estuviese preparándose, ponse a tope cuando vemos la maraña de frontales y xente que al igual que formigues, anda preparándose pa la dura prueba que nos espera. Estaremos preparaos?, aguantarán les rodilles?, aguantará el tobillu?, aguantaré el calor?
 Qué dudes llevamos dentro cada uno y qué humilde te sientes cuando memorices el recorríu… un recorríu que va a echar por tierra la ilusión de la mitá de los 255 participantes que finalmente vamos  a intentalo...

  Con la tensión a tope vuelvo a mirar una vez más la mochila, tensión doble porque el retu que traigo esti tercer añu también ye doble…

  Por si fuera pocu acabar la TRAVESERA, voy intentar acabala con Carmen. Una ilusión que tengo yo guardada fai años y un sueñu que tien ella desde el primer día en que a alguien se-y ocurrió cruzar los tres macizos en un día.



Preparaos pal retu...

  Namás bajanos del coche ya vemos a los primeros amigos que vienen a danos muchos ánimos y  deseanos suerte, como no... Laura, Ana y los inseparables castrones Iván y Jordi (que seguru que un pocu nos tarán envidiando...), Olaya… la paciencia en persona, detrás siempre de Iñaki, esi “animal” que todos los años diz que no vien más y lleva tres traveseres seguíes sufriendo y acabándoles toes… otra vez se acercó mi hermana Mary, que aunque en el últimu minutu… llegó con les amigues pa danos ánimos (quién mejor que ella pa saber lo que ye sufrir y salir adelante!!)… con esos ánimos pasamos a Santander si fai falta… gracies a todos por estar allí a eses hores y a Cris por andar tou el dia a cuentos mios, camin de Cabrales y por traenos al Repelao.

¿Que tendrá esta carrera que tantu engancha... eh Iñaki ?

 Sin tiempu ni pa encontrar al otru castrón que nos acompañaría (Berto el veterinariu), ni “super”, el otru piloñes de la expedición, van llamándonos unu por unu, aumentando la tensión más si cabe...

Los únicos compañeros del Vizcares esti añu, "Super" y con el maillot del club Cayón Berto

Vaya xentíu, cuántu llocu hay pol mundu...

Como ye mi tercer TRAVESERA, y como en toes les coses la vida, la 1ª vez ye la meyor… voy dexar a la Castro-nuka que vos relate su experiencia, ya que pa los que tenemos la suerte de conocela, sabemos que pa ella ye muchu más especial…

¡qué ganes de salir ya!

Esti añu cuando ví  que por fin descansaba pa la travesera, no dudé por un momentu que tenía que intentalo… ye un retu personal, pa nosotros la CARRERA por excelencia. ¿Cómo siendo nieta de Remis el de Vegarredonda no iba a intentala aunque no fuera más que una vez?

Picos ye pa nosotros nuestru día a día, generaciones anteriores de pastores y guías, cabañes, trabayu, tiempu libre… ¡qué afortunaos somos de tenelos tan cerca!

La vida debe de ser algo más que lo cotidianu, que lo normal del día a día, alguna vez hay que da-y emociones nueves y la travesera ye toa una experiencia que cumple todos esos requisitos.

Sin experiencia previa en estes distancies y con solu un par de carreres de prueba en la vida (samuño y el kilómetro vertical de fuente dé), tenía dudes de si podría acabala, de cómo se  comportaría el cuerpu, de saber lo que tienes que comer y si lo asimiles bien, de hidratate correctamente (daben alerta de altes temperatures y vaya si llegaron), vamos, un montón de dudes que te acompañen hasta los últimos metros de carrera.

Sin dame cuenta, pasaron estos meses y mediu dormía encuéntrome en Repeláu arropada por Cris, Mary, Laura, Ana, Iván, Jordi, Olaya …gracies por los ánimos que nos disteis. Después del control de dorsales y namás pasó el últimu corredor, pistoletazu y sin enteranos, ya estábamos en marcha, felices por empezar el retu de llegar a Arenas juntos, prestaba ver la Basílica y la Cueva de la Santina iluminada al par de 260 frontales funcionando a plenu rendimientu.

  

Po lo menos aquí tovía teníamos sonrisa

La Matona significó embotellamientu, lentitud, barru y pendiente. Subimos caminando hasta la mágica Orandi, onde se sume el ríu les Mestes que luego vuelve a apaecer a los pies de la Santina.

 

Atascu na matona



Silenciu y concentración cuando se entra na matona

 Sin más, tranquilidá y Severín p´arriba sin descansu hasta apaecer en Fana, onde un mastín nos ladró, informando que no éramos los únicos allí. Gustóme ir encontrado xente conocía en cada puestu que nos animaba (gracies a todos, grandes colaboradores). Aquí nos cogió Berto. Subimos charlando y nosotros paramos en el avituallamientu de los Lagos, onde estaban les mis compañeres de trabayu que nos llenaron el camel y nos atendieron de lo mejor. Berto tiró y ya no lu encontraríamos hasta Urriellu.

Berto y Carmen llegando a Fana



Llegando a Enol

    

Caminando y comiendo algo pasamos la pista de la Vega Enol-Vega l´Huertu, sin escuchar ningun lloqueru de les “casines” de mi casa .

La vega  l ' huertu



Cómodamente enfilamos canal arriba pasando al lau de la cabañina del güelu en Vegarredonda y con la tentación de entrar a descansar, seguimos pa LLampa Cimera adelantando gente y subiendo a buen ritmo. Por la Fragua, les Barrastroses y el Jou de los Asturianos había gente conocía, cómo presta encontrase con ellos!

Foto de Pedro Carrio, qué sorpresa encontralu allí

El momentu en que nos topamos con la Peña Santa de frente fue genial, apagamos un pocu les frontales pa disfrutar del lugar y del momentu, ye cuando te acuerdes de lo que significó pa la mi familia, les veces que la subío el mi bisagüelu y el güelu, les experiencies buenes y males, los rescates, los momentos delicaos cuando se enriscaben con el cliente en les sus grietes, llambries y cortaos. Qué duros eren y qué orgullosa estoy de ellos!

En el Boquete (2.012m )

Encendemos y tiramos pal Boquete pol camín de piedres y bloques, aquí llegamos en 5 h y vamos contentos, con lo que descolgámonos Mesones p'abaxu viendo el resplandor del amanecer detrás del Central y les frontales de los de alante y atrás. Enseguida el pueblu de Caín, qué cerca paez estar y qué largu se nos haz, les rodilles ya piden clemencia. Asusta un pocu porque quédanos muchu y no sabemos si van a responder.

Por  la cascada de Mesones

Por fin Caín, con cuarenta minutos más o menos del cierre de control. Avituallamos, nos sentamos un pocu en el puente, qué fríu pasamos! y nos coge "Super" (que se encontraba mal),  a partir de aquí hará casi tou el camín que queda con nosotros.



Avituallamientu en Cain  (460 m)



Al bocadillu, nada de caxigalines...

Col fríu de la parada en cuerpu, qué mejor que Dobresengos pa templar! Sedo Mabro, enfilamos canal arriba y sin parada ni descansu subimos como tiros encontrándonos a gustu y adelantando gente.

Qué pindia se ve la canal!

Les vistes al amanecer incomparables

 Ya casi salimos de Dobresengos!



Les dos fotos sacaes por Alfredo Fernández



.

Jou Grande Bajeru y Cimeru, qué agrestes, qué paisaje, qué suerte de estar allí!!

  Soledad y aislamientu

A por la Horcada Caín!

Subiendo a la Horcada de Caín 2.344 m

El día estaba espectacular

Horcada Caín con cartel indicativu de distancia y perfil  (estos carteles a mi me desmoralizaron en toa la carrera, porque aunque sabes lo que llevas y lo que queda, velo tan claru y tan precisu échate la moral pol suelu).




Ya casi llevamos un maratón fechu...

 

...pero queda otru tantu!!!

Tocaban neveros por encima del Jou Sin Tierri, técniques variaes (culo esqui, patinaje, bájalo como puedas…)



Foto que nos fizo Berto llegando a Urriellu



Por aquí nos encontramos con Berto con la rodilla muy fastidiada ya. Confírmanos que se retira en Urriellu, una pena, aunque ya esta pensando en la carrera del añu que vien. Qué sangrinos sois!

No tou ye correr, hay que disfrutar de les vistes



A la vega llegamos a les 11:15, con 45’ de margen pal control, comemos algo, ponemos rodilleres pa paliar les molesties y sin más Celada y Collada Bonita, cómo apretaba ya el sol y que incómodu el terrenu, aunque compensa pasar tan a la vera del Picu y disfrutalu desde la Collá, puntu mas altu de la carrera (2382m).

Pudimos ver atascu ya en la Sur, llegó el veranu! Quién no se agarró en alguna ocasión a la su piel. Tou son recuerdos…

Cambiu de camiseta... y no güele a Castrón!!!

El Valle les Moñetes puede calificase de suicidiu a estes altures, mal terrenu, desnivel grande, ves les vegues y sigues viéndoles y nunca les alcances, qué calor…!




Señal de 45 km y vista del oriental...acércase jidiellu !



Última foto, porque desde les vegues p'alante la cosa no taba pa fotos...

Total que cuando llegamos al avituallamientu, a les 14.38, si alguien pronucia la palabra “clara fresquina” tiro Duje p'abaju sin mirar ni de reojo pa Jidiellu. Aunque luego iba a pesame demasiáu. Allí estaba Javier que nos ayudó y nos animó pa seguir.
 Ricardo tenía gana de que terminara, de que pudiera marchar pa casa con la satisfacción de entrar en meta y por eso tiró canal p´arriba sin dame ninguna otra opción. Ahora se lo que sienten los himalayistas cuando van a pasinos y cada pocu se tienen que parar. Así iba yo hasta más de la mitá de la canal. Ricardo iba mejor. Pensábamos que no íbamos a poder llegar al control del Jitu en tiempu. El Colláu Valdomingueru era un retu duru de conseguir, cada vez lu veíamos más lejanu. Vemos a Armando, danos fuerces y ánimos, qué necesaries son!

Cambian les tornes, en lo más empináu encuéntrome yo mejor y Richar peor. En  un arranque de cordura decidimos que tenemos que intentalo, que no se nos puede escapar la carrera aquí. Con muchos corredores nos cruzamos que desistíen y volvíen a bajar.. Agarrámonos con fuerza a les cadenes y superamos el Colláu. Qué pocu tiempu nos queda. Una hora pa llegar al Jitu. Ponémonos a correr como locos, pasamos a "Super", que ya no puede más, exprimímonos al máximo pa pasar pol Casetón en el menor tiempu posible, corremos toa la pista. Qué razón tien Ricardo cuando me diz que no sé cuántu aguanta el cuerpu, en realidad no sabemos lo que da de sí hasta que lu probamos y yo quedé alucinada. Suena un estruendu de pisaes y palos, ye "Super" que lo intenta tamién! Ricardo va por delante corriendo a tope, yo tou lo que me deja la energía que mi queda, en el últimu momentu pasamos el control y podemos relajanos y seguir hasta Arenas! Ahora ya no hay duda, vamos a entrar en meta.

Seguimos y "Super" en les subides va muy floju, el cuerpu no lu dejó comer nada en toa la carrera y a la altura del Colláu Entrejanu  tien que dejalo, después de más de 19h!!, qué pena… sentímoslo por él, porque no ye justu, tien casi la carrera fecha. Bajará con los de la organización pa Tielve. Nosotros seguimos. Queremos llegar aunque tenemos que espabilar, el tiempu es oro! Corremos lo que podemos. Avistamos a unos perdíos que no encuentran la calzada, indica-yos Ricardo. Pasamos a otru gallegu que va al límite de les fuerces. Corremos la calzada y nunca se acaba, yo desespero, tiro los bastones, pásame lo mismu que antes, sientes Arenas cerca pero inalcanzable, Richar cálmame y coge la iniciativa, lleva les rodilles doloríes y los deos de los pies mal, luego descubrimos que perderá una uña. Normal los dolores! Pero así tou, tien fuerces mentales pa tirar de los dos, salir del bosque, enfilar el asfaltu, pasar los puentes y llegada a meta , POR FIN! Retu conseguíu…Qué alegría!

El tiempu empleáu dista muchu de los primeros: 21 h 48 minutos. Pero llegamos en control y sobre tou llegamos juntos, pasamos esta prueba juntos. El objetivu con el que nos inscribimos a la carrera está cumplíu: terminala. Qué felices estamos!

Había en meta mucha gente conocía que nos vino a felicitar por haber termináu. Muches gracies a todos.

Fue mi primer travesera, probablemente no haya otra, pero lo que si sé, es que es una experiencia que me marcará pa siempre, que nos unirá más y que siempre recordaremos con una sonrisa, olvidándonos de los malos momentos que pasamos.

 El domingo, como colofón y sin contar con ello, recogí premiu a la quinta muyer. Un premiu que me fizo mucha ilusión… va por ti Remis!

Estes coses hacen que merezca la pena pasar por la vida.

Quién me lo iba a decir...

  



Los tres mosqueteros que no repiten el añu que vien...........................................

 

Gracies a todos los que nos apoyasteis, que afortunadamente pa nosotros, fuisteis muchos. 

Ricardo y Carmen