TOUBKAL 27-28/06/2011

Integrantes: Raquel, Laura y Carlos 

Siguiendo los pasos del viaxe al Toubkal de los ilustres castrones alfa y señores, Raquel y Carlos decidieron a primeros d’añu marchar al Toubkal y yo que soi fácil de convencer pues apuntéme a dir con ellos. Ficimos lo mismu qu’ellos, contactar con Marco "Paradona" y contratar los servicios de l’axencia Azdour Lahcen que por 35€ por persona al día van a buscate y a llevate a Marrakech, tienes pensión completa, súbente les mochiles al refugio, cocínente y, pa encima, nosotros llevamos un guía que nun se separó de nosotros hasta metenos nel taxi de vuelta pa Marrakech.

Brahim (el chef), Carlos y Mohammed (guía)

El día de llegada, depués del tagine y el té de rigor, garrónos Mohammed y llevónos a dar una “vueltina” pelos pueblos bereberes pa dir abriendo boca pal día siguiente.

Al día siguiente salimos sobre les 08:00 y en 5 h 30’ llegamos al Refuge du Toubkal (los datos técnicos y la descripción de la ruta tán na entrada d’Iván). Subimos mui a gustu porque facía calor, pero sin agobios, y al dir viendo constantemente cascaes, un regatucu, neveros, pues llevábase bastante bien. Tamién ayudó face-y casu a Furu y subir tol camín “con pasu Semana Santa y parando nos chiringuitos” jejeje

 

Refuge Les Mouflons

Refuge du Toubkal (3207 m)

Raquel yá tenía esperiencia n’altura, pero Carlos y yo era la primera vez que tábamos a más de 3000 metros así que ficimos casu a les recomendaciones d’Iván que nos encamentó bien que nun anduviéramos caleyando y que nos sentáramos a descansar tola tarde. Y nosotres como somos mui obedientes pues pasamos tola tarde tomando tés y galletines que nos daba Brahim mientres Carlos facía malabares.

Yo pasé tola tarde esperando a que me diera mal d’altura, pero al final nun notamos nada ningunu y dormimos como lirones (bueno, yo cola ayuda de valerianes jejeje). A la mañana siguiente Raquel y Carlos levantáronse a les 5:00 y yo a menos 10, que si Jordi ye feliz metiendo y sacando coses de la mochila, yo nun diba ser menos porque, como bien diz el refraneru popular, el gochu faise a la marrana.

A les 6:00 de la mañana salimos pal Toubkal. Raquel y Carlos felices de la vida y yo con más nervios que’l día que presenté la tesina… Col azote que traía en vez de tomar un ibuprofeno por si me dolía la cabeza subiendo tomé otra valeriana jajajajaja

Subiendo encontramos bastantes neveros mui duros nes partes más pindies. Nosotros llevábamos bastones pero coincidimos con un italianu que nun los llevaba y subía espetando una navayina na nieve como si fuera un piolet… ¡¡Menudu flipáu!!

Nun nos quedó claru si lo fizo pa evitar la nieve o si ye la ruta normal de subida, pero la cuestión ye que Mohammed en vez de llevanos per onde fueron Iván y estos, que fueron pela derecha pa garrar tola arista del Toubkal, llevónos pela izquierda hasta llegar a un colláu que yá ta a 4000 metros y dende’l que yá garres un senderucu que te lleva a la cima. Pa mi ye lo peor de tou porque hai que subir un cachín de pedreru bastante pindiu y con piedra suelta a pinchu p’arriba, pero Raquel que nos da mil vueltes subió sin enterase. Nel colláu ficimos otra paradina pa tomar otru piscolabis y pa les les 9:15 yá tábamos arriba.

Toubkal (4167 m)

Baxando felices y contentos pal Refuge du Toubkal a comer

Depués de comer, esperamos a que Brahim cargara la mula, bautizada como Lola por Raquel, y salimos los 5 pa Imlil a pasar la última noche antes de marchar pa Marrakech a facer turismu y morrer de calor.

Namás nos queda esperar a que se cumpla la profecía de Richu sobre Carlos: “subir un 4000 con 14 años ye’l primer pasu pa ser el primer piloñés en subir un 8000”.

Laura Lavandera Pérez